Zəbur
78 Ey xalqım, qanunuma qulaq as,
Ağzımdan çıxan sözləri dinlə.
2 Ağzımı məsəllə açacağam,
Qədim tapmacaları danışacağam,+
3 O şeyləri ki eşitmişik, bilirik,
Ata-babalarımız bizə danışıb.+
4 Oğullarımızdan gizlətmərik,
Gələcək nəsillərə nəql edərik,+
Yehovanın tərifəlayiq əməllərini, gücünü,+
Xariqüladə işlərini.+
5 O, Yaquba öyüdlərini verdi,
İsraildə qanun qoydu,
Ata-babalarımıza əmrlər verdi ki,
Onları oğullarına öyrətsinlər.+
6 Beləcə, gələcək nəsil,
Dünyaya göz açacaq uşaqlar bunları bilsin,+
Onlar da öz övladlarına danışsın.+
8 Onda ata-babaları kimi olmazlar.
9 Əfraim oğulları ox-kamanla yaraqlansa da,
Savaş meydanından geri qaçdılar.
11 Onun işlərini,
Onlara göstərdiyi xariqələri unutdular.+
13 Dənizi yarıb onlar üçün yol açdı,
Sular divar kimi durdu.+
14 Onlara gündüz buludla,
Bütün gecəni şəfəq saçan alovla yol göstərdi.+
15 Səhrada qayaları yardı,
Onlara doyunca su içirdi, sanki, ümmandan.+
16 Sal qayadan su fışqırtdı,
Sular çay kimi axdı.+
17 Onlar isə daha da çox günah etdilər,
Haqq-Taalaya qarşı qiyam qaldırdılar səhrada.+
18 Qəlblərində Allahı sınadılar,+
Tamarzı qaldıqları təamları tələb etdilər Ondan.
19 Allahın əleyhinə danışıb dedilər:
«Məgər Allah bu çöl-biyabanda süfrə aça bilər?»+
20 Bax! O, qayaya vurdu,
Sular axdı, sellər daşdı.+
Yenə dedilər:
«Bəs çörək də verə bilər?
Xalqı üçün ət yetirə bilər?»+
Onun İsrailə qəzəbi kükrədi.+
22 Çünki Allaha inanmadılar,+
Onun qurtuluş gücünə etibar etmədilər.
23 O, buludlu səmaya əmr etdi,
Göylərin qapılarını açdı.
26 Göylərdə şərq küləyi əsdirdi,
Qüvvəti ilə cənub küləyi oyatdı.+
27 Əti onların üzərinə toz kimi yağdırdı,
Quşlar dəniz qumu qədər idi.
28 Onları düşərgənin ortasına,
Çadırların həndəvərinə tökdü.
29 Yedilər, boğazlarına dürtdülər.
Ürəkləri istəyən hər şeyi onlara verdi,+
30 Amma hələ iştahalarını doyuzdurmamış,
Loxmaları hələ ağızlarında ikən,
31 Onlara qarşı Allahın qəzəbi qalxdı,+
Onların pəhləvanlarını öldürməyə başladı,+
İsrailin cahıl oğullarını yerə sərdi.
33 Buna görə onların günlərini kəsdi, nəfəs kimi,+
Ömürlərini naqafil dəhşətlərlə sona yetirdi.
34 Hər dəfə Allah onları qıranda Onu axtardılar,+
Qayıdıb Onu aradılar.
36 Dodaqları ilə Onu aldatmağa çalışdılar,
Dilləri ilə Ona yalan danışdılar.
38 Amma O, mərhəmət göstərirdi,+
Günahlarından keçirdi, onları məhv etmirdi,+
Dəfələrlə hirsini boğurdu,+
Qəzəbini tam oyatmırdı.
42 Yada salmadılar Onun güclü əlini,
Onları düşməndən qurtardığı günü,+
43 Misirdə göstərdiyi əlamətləri,+
Suan diyarındakı möcüzələrini.
44 Axar sular içməli olmasın deyə,
Nil arxlarının suyunu necə qana çevirdiyini unutdular.+
46 Əkinlərini acgöz çəyirtkəyə,
Əllərinin zəhmətini çəyirtkə sürüsünə verdi.+
47 Üzüm tənəklərini dolu ilə,
Əncir ağaclarını dolu dənələri ilə məhv etdi.+
49 Onların üzərinə alovlu qəzəb,
Hirs, hiddət, bəla yağdırdı,
Fəlakət mələklərini göndərdi, alaylarla.
50 Qəzəbinə yol açdı,
Canlarını ölümdən qurtarmadı,
Onları azara düçar etdi.
51 Axırda Misirdəki bütün ilkinləri,
Hamın çadırlarındakı ilk övladları məhv etdi.+
52 Sonra xalqını sürütək oradan çıxartdı,+
Sürütək apardı səhrada onları.
54 Onları müqəddəs məkanına,
Sağ əli ilə fəth etdiyi dağlıq bölgəyə gətirdi.+
55 Onların qarşısından xalqları bir-bir qovdu,+
İrs torpaqlarını ölçü ipi ilə aralarında bölüşdürdü,+
İsrail qəbilələrini öz yurdlarında məskunlaşdırdı.+
56 Onlar isə Allah-Taalanı sınamaqdan, Ona qarşı çıxmaqdan əl çəkmədilər,+
Onun öyüdlərini hey qulaqardına vurdular.+
57 Ataları kimi dönüklük etdilər, xəyanət etdilər,+
Etibarsız çıxdılar, ipi boşalmış kamana bənzədilər.+
59 Bunları eşidən Allah bərk hiddətləndi,+
İsraildən tamamilə üz döndərdi.
60 Axırda Şilodakı çadırını,
İnsanlar arasında qaldığı çadırı tərk etdi.+
61 Gücünün nişanını əsarətə göndərdi,
Gözəlliyini düşmənə təslim etdi.+
62 Xalqını qılıncın qabağına verdi,+
İrsinə qarşı qəzəbləndi.
63 Cavanlarını alov uddu,
Qızlarına toy mahnısı oxunmadı.
66 Düşmənləri geri atdı,+
Onları əbədilik xar etdi.
67 Yusifin çadırını rədd etdi,
Əfraim qəbiləsini seçmədi.
68 Yəhuda qəbiləsini,
Sevdiyi Sion dağını seçdi.+