Zəbur

5 Ey Yehova, eşit sözlərimi,+

Ah-zarıma diqqət ver.

 2 Sənə yalvarıram, ya Padşahım, Allahım,

Fəryadıma qulaq as.

 3 Sübh çağı səsimi eşidərsən,+ ey Yehova,

Səhər çağı ürəyimi Sənə açaram,+ durub cavab gözləyərəm.

 4 Çünki Sən şərdən xoşlanan Allah deyilsən,+

Sənin yanında pis adama əsla yer yoxdur.+

Zalımlara nifrət edirsən,+

 6 Yalan danışanları məhv edərsən.+

 7 Mən isə böyük məhəbbətin sayəsində+

Sənin evinə+ gələrəm,

Müqəddəs məbədinə sarı dönüb ehtiramla səcdə qılaram.+

 8 Ey Yehova, məni haqq yolunda apar,

Düşmənlərimə görə önümdə yolunu hamar et.+

 9 Onların ağzından düz söz çıxmır,

Ürəkləri pislik yuvası,

Boğazları açıq qəbirdir,

Yağlı dillərini işə salırlar.+

10 Ey Allahım, onları təqsirkar çıxararsan,

Qazdıqları quyuya özləri düşərlər.+

Qoy hədsiz günahlarına görə uzaqlara atılsınlar,

Çünki onlar Sənə qarşı qalxıblar.

11 Sənə pənah gətirənlər isə sevinər,+

Hey sevinc sədaları ucaldar.

Qanadını onların üzərinə gərərsən,

Adını əziz tutanların hədsiz sevinci Sən olarsan.

12 Çünki Sən, saleh adamı mübarək edərsən, ey Yehova,

Lütfün onun ətrafında qalxan olar.+