Zəbur

Qoy yer sevinsin,+

Adalar şadlansın.+

 2 Buludlar, qatı zülmət Onun ətrafındadır,+

Doğruluq və ədalət taxtının təməlidir.+

 3 Önündə alov gedir,+

Hər tərəfdə düşmənlərini yandırıb kül edir.+

 4 Şimşəkləri torpağı işıqlandırır,

Yer bunu görüb titrəyir.+

 5 Dağlar mum kimi əriyir Yehovanın önündə,+

Xudavəndi-aləmin önündə.

 6 Göylər Onun ədalətini bəyan edir,

Xalqlar Onun calalını görür.+

 7 Qoy utansın oyma bütlərə qulluq edənlər,+

Puç allahları ilə öyünənlər.+

 8 Ey Yehova,

Hökmlərini eşidəndə Sion sevindi,+

Yəhuda şəhərləri* şadlandı.+

 9 Çunki dünyada Haqq-Taala Sənsən, ey Yehova,

Bütün allahlardan qat-qat ucasan.+

10 Ey Yehovanı sevənlər, pisliyə nifrət edin,+

O, sadiq bəndələrinin canını hifz edir,+

Onları pislərin əlindən qurtarır.+

11 Saleh adam üçün işıq parladı,+

Ürəyidüz adamlar üçün sevinc ələndi.

12 Ey salehlər, Yehova olsun sevinciniz,

Onun müqəddəs adına şükür edin!