Zəbur

86 Dinlə məni, ey Yehova, mənə hay ver,

Axı məzlumam, yazığam.+

Sənə güvənən bu bəndəni qurtar,

Axı Sənsən mənim Allahım.+

 3 Bütün günü Səni çağırıram,+

Ey Yehova, mənə lütf göstər.+

 4 Qulunun könlünü sevindir, ey Yehova,

Sənə üz tutmuşam.

 5 Ey Yehova, kəramətlisən,+ bağışlayansan,+

Səni çağıranlara qarşı məhəbbətin boldur.+

 6 Duamı dinlə, Yehova,

Nə olar, imdad diləyimi eşit.+

 7 Dar günümdə Səni çağırıram,+

Bilirəm, Sən məni cavabsız qoymazsan.+

 8 Ey Yehova, allahlar arasında Sənin kimisi yoxdur,+

Əməllərinin tayı-bərabəri yoxdur.+

 9 Xəlq etdiyin bütün xalqlar

Hüzuruna gəlib önündə səcdə edəcək, ey Yehova,+

Sənin adını mədh edəcək.+

10 Çünki böyüksən, xariqələr yaradırsan,+

Yalnız Sənsən Allah!+

11 Yehova, mənə Öz yolunda təlim ver,+

Həqiqətində addımlayım.+

12 Yehova Allahım, bütün qəlbimlə Səni ucaldıram,+

Əbədiyyən adını mədh edəcəyəm,

13 Çünki mənə bəslədiyin məhəbbət böyükdür,

Canımı Məzarın* dibindən azad etdin.+

14 Ey Allahım, qürrəlilər əleyhimə qalxır,+

Zalımlar dəstəsi canıma qəsd edir,

Səni saymır onlar.+

15 Amma Sən, ey Yehova, rəhmli, mərhəmətli Allahsan,

Səbirlisən, məhəbbətin, sədaqətin boldur.+

Nə olar, bu bəndənə qüvvət ver,+

Kənizinin oğlunu xilas et.

17 Kəramətindən mənə bir nişan ver,

Qoy mənə nifrət edənlər bunu görüb utansın.