Elanlar

◼ İyun ayında paylanacaq ədəbiyyat: «Müqəddəs Kitab əslində nə öyrədir?». İyul, avqust: yığıncaqda olan 32 səhifəlik broşüraları təklif etmək olar: «Allah həqiqətən də qeydimizə qalırmı?», «Yer üzündəki həyata əbədiyyən sevin!», «Oyaq durun!», «Cənnət gətirən bir hökumət», «İnsan öləndə nə baş verir?», «Həyatın mə’nası nədədir?», «Sizə əziz olan adam öləndə», «Hamı üçün olan kitab», «Allahın rəhbərliyi Cənnətə aparan yolu göstərir» və «Allah bizdən nə tələb edir?». Sentyabr: «Müqəddəs Kitab əslində nə öyrədir?». Mümkün olan yerlərdə təbliğçi ilk başçəkmə zamanı bu nəşri verəndə Müqəddəs Kitab öyrənməsinə başlamağa cəhd göstərməlidir. Öyrənmənin necə keçirildiyini qısaca nümayiş etdirərək insanların bundan necə fayda əldə edəcəyini göstər.

◼ Xidmət ili haqda hesabatda adı çəkilməyən və ya axırıncı «İllik məcmuə»nin sonuncu səhifəsində ünvanı gətirilməyən ölkəyə səyahət etməyi planlaşdırırsınızsa, hansı ehtiyat tədbirləri görməli və hansı xüsusi göstərişlərə riayət etməli olduğunuzu dəqiqləşdirmək üçün sizin ölkəyə baxan filialla əlaqə saxlayın. Ola bilsin, həmin ölkədə Padşahlıq işinə məhdudiyyətlər qoyulub (Mat. 10:16). Bəzi ölkələrdə yerli Şahidlər və ya yığıncaqlarla əlaqə saxlamaq məsləhət deyil. Həmçinin qeyri-rəsmi şahidlik etmək və ədəbiyyat aparmaqla bağlı başqa göstərişlər də verilə bilər. Verilən rəhbərliyə uyğun əməkdaşlıq etsəniz, həm özünüz, həm də Padşahlıq işi üçün gərəksiz yerə problem açmayacaqsınız (1 Kor. 14:33, 40).