Ruhani ənamınızdan istifadə edin

Biz bacı-qardaşlarla birgə vaxt keçirəndə qarşılıqlı ruhlanırıq. Amma bizi ruhlandıran sadəcə bir araya gəlməyimiz deyil. Müqəddəs Kitab bir-birimizin imanını möhkəmləndirmək qabiliyyətini «ruhani ənam» adlandırır (Rom. 1:11, 12). Bu ənamdan tam şəkildə necə istifadə etmək olar?

Sözlərinizlə ruhlandırın. Məsələn, ibadət görüşlərində şərh verəndə çalışın, diqqəti özünüzə yox, Yehovaya, Onun Kəlamına və xalqına yönəldəsiniz. Dindaşlarınızla söhbət edəndə ruhlandırıcı mövzulardan danışın.

Qərarınızla və davranışınızla ruhlandırın. Məsələn, bəzi bacı-qardaşların şəxsi çətinlikləri olsa da, tamvaxtlı xidməti davam etdirirlər. Bəziləri isə ağır iş qrafikinə, yaxud xroniki xəstəliklərinə baxmayaraq, həftəiçi görüşlərdən qalmırlar.

Siz sözlərinizlə və davranışınızla bacı-qardaşları ruhlandırırsınız? Bəs onların sizə verdiyi ruhani ənamları görüb qiymətləndirirsiniz?