Dərs 1

Allahın nə tələb etdiyini necə öyrənə bilərik?

Müqəddəs Kitabda hansı vacib mə’lumat var? (1)

Müqəddəs Kitabın müəllifi kimdir? (2)

Müqəddəs Kitabı nəyə görə öyrənməlisiniz? (3)

1. Müqəddəs Kitab Allahdan olan qiymətli bəxşişdir. Onu, sevən atanın övladlarına yazdığı məktubla müqayisə etmək olar. Müqəddəs Kitab bizə Allah haqqında həqiqəti — Onun kimliyi və normaları haqqında bəyan edir. Orada çətinliklərin öhdəsindən gəlməyin və həqiqi xoşbəxtliyi tapmağın üsulları izah olunur. Allahı razı salmaq üçün nə etməli olduğumuzu yalnız Müqəddəs Kitabdan öyrənmək olar (Məzmur 1:1-3; İşaya 48:17, 18).

2. Müqəddəs Kitabı eramızdan əvvəl 1513-cü ildən başlayaraq, 1 600 il ərzində təxminən 40 nəfər kişi yazmışdır. O, 66 balaca kitablardan ibarətdir. Müqəddəs Kitabı yazan şəxslər Allahdan ilham almışlar. Onlar özlərinin deyil, Allahın fikirlərini yazmışlar. Buna görə də Müqəddəs Kitabın müəllifi insan deyil, göylərdə yaşayan Allahdır (2 Timoteyə 3:16, 17; 2 Peter 1:20, 21).

3. Allah, Müqəddəs Kitabın dəqiq köçürülməsi və qorunub saxlanması üçün qayğı göstərmişdir. Müqəddəs Kitabın nəşr olunan nüsxəsi başqa kitabların sayını ötüb keçir. Müqəddəs Kitabı öyrəndiyinizə görə hamı sevinməyəcək, lakin sizə mane olmalarına yol verməyin. Sizin əbədi gələcəyiniz Allah haqqında bilik əldə etməyinizdən və müqavimətlərə baxmayaraq, Onun iradəsini yerinə yetirmənizdən asılıdır (Matta 5:10-12; Yəhya 17:3).