Keçmişdən nümunə. Yaqub

Uzun illər boyu Yaqubla qardaşı Esav küsülü olublar. Esavın Yaqubu görəsi gözü yox idi. Yaqubun heç bir günahı olmasa da, aralarındakı gərginliyi həll etmək üçün ilk addımı o, özü atdı. O, güzəştə getməyə hazır idi. Onun məqsədi münaqişədə qələbə qazanmaq yox, qardaşını qazanmaq idi. Yaqub öz prinsiplərinə zidd getmirdi, bununla belə, qardaşının ondan üzr istəməsini də tələb etmirdi (Yaradılış 25:27—34; 27:30—41; 32:3—22; 33:1—9).

Ailə üzvlərinlə problemlər yarananda sən onları necə həll edirsən? Bəzən sənə elə gələ bilər ki, tamamilə haqlısan, bacı-qardaşın və ya ata-anan isə tamamilə səhvdir. Belə vəziyyətdə sən onların ilk addım atmalarını gözləyirsən? Yoxsa, Yaqub kimi davranırsan? Əgər Müqəddəs Kitab prinsipləri pozulmursa, əmin-amanlıq naminə güzəştə getməyə hazırsanmı? (1 Peter 3:8, 9). Yaqub yol vermədi ki, qüruru onun ailəsini parçalasın. Əksinə, təvazökarlıq göstərdi və qardaşını qazandı. Bəs sən necə davranacaqsan?