DƏRS 6

Ayələri düzgün izah et

Yəhya 10:33—36

İCMAL: Sadəcə ayəni oxuyub növbəti fikrə keçmə. Dinləyicilərə oxuduğun ayə ilə izah etdiyin fikir arasındakı əlaqəni aydın göstər.

Əsas sözləri qeyd et. Ayəni oxuyandan sonra əsas fikirlə bilavasitə əlaqəli olan sözləri vurğula. Bunun üçün həmin sözləri təkrarla, ya da sual verib dinləyicilərin diqqətini həmin sözlərə yönəlt.

Ayədəki əsas fikri başqa sözlərlə ifadə edəndə əmin ol ki, dinləyicilər ayənin sözləri ilə izah etdiyin əsas fikir arasındakı əlaqəni aydın görürlər.
Əsas fikri vurğula. Əgər konkret məqsədlə ayəni oxumaq üçün giriş etmisənsə, ayədəki əsas sözlərin həmin məqsədlə əlaqəsini izah et.

Ayəni izah edəndə Müqəddəs Kitabı açıq saxla. Onda dinləyicilər də öz kitablarını açıq saxlayacaqlar. Bu, dinləyicilərə dediyin sözləri oxuduğun ayə ilə əlaqələndirməyə kömək edəcək.
Sadə şəkildə izah et. Əsas fikirlə əlaqəsi olmayan təfərrüatlara varma, dinləyicilərin mövzu ilə bağlı bildiklərini nəzərə alaraq, fikrin aydın başa düşülməsi üçün nə qədər dəlil gətirmək lazım olduğunu müəyyən et.