Suallar qutusu

◼ Padşahlıq Zalına yerləşdiyindən artıq adam gələndə, yığıncağı isə bölmək hələ tez olduğundan nə etmək olar?

Yığıncaqların çoxunda, xüsusən də bazar günləri iştirak edənlərin sayı elə sür’ətlə artır ki, hamı üçün yer çatmır. Yeni yığıncağın yaranması həmişə problemin həllinə xidmət etmir. Təcrübə göstərir ki, yığıncağın tələsik bölünməsi mənfi nəticələrə gətirib çıxara bilər. Aşağıda, ağsaqqallar şurasının nəzərdən keçirə biləcəkləri bə’zi prinsiplər qeyd olunur.

Yığıncaq bölünəndə, yaxşı olar ki, yeni təşkil olunan hər iki yığıncaqda 75-80 nəfər fəal təbliğçi olsun. Bundan əlavə, nəzarət üzrə vəzifələri yerinə yetirə bilən kifayət qədər müvafiq qardaşlar olmalıdır. Əgər zal yalnız bazar günləri dolu olursa, onda yığıncaqla iki açıq görüş və iki “Gözətçi Qülləsi” öyrənməsi keçirmək məsələsini müzakirə etmək olar. Bu görüşlərə gəlmək üçün yığıncağı kitaböyrənmələrə bölmək olar. Hər iki mə’ruzə ilə eyni qardaş çıxış edə bilər, “Gözətçi Qülləsi”nin öyrənməsini isə müxtəlif qardaşlara həvalə etmək yaxşı olardı. Bununla da Padşahlıq Zalının dolmasından qaçınmaq olar, eyni zamanda təbliğçilər də xidməti görüşün bütün bəndlərindən və Xidmət Məktəbindən fayda əldə edərlər. Sonradan, yığıncaq daha da böyüyəndə, yeni yığıncaq yaratmaq barədə düşünmək olar.

Əgər təbliğçilərin əksəriyyəti başqa şəhərdə yaşayırlarsa və görüşlərə gəlmək üçün böyük məsafə qət etməli olurlarsa, yaxud başqa istisna vəziyyətlər də mövcuddursa, hətta sayı yuxarıda məsləhət görüldüyündən az olsa da, yəqin ki, yeni yığıncaq təşkil etmək məqsədəuyğun olardı. Belə hallarda, həmin yığıncağa növbəti dəfə rayon nəzarətçisi gələndə, ağsaqqallar şurası vəziyyəti onunla müzakirə edə bilər.