Üzvü olduğun kitaböyrənmənin nəzarətçisi ilə əməkdaşlıq et
1 Yığıncağın kitaböyrənməsi bizlərdən hər birimizə böyük fayda gətirir. Keçən ay kitaböyrənmə nəzarətçisinin vəzifələrini nəzərdən keçirdik. Bəs onunla şəxsən biz necə əməkdaşlıq edə bilərik və bununla həm özümüzə, həm də başqalarına hansı faydanı gətirə bilərik?
2 Kitaböyrənmədə hər həftə iştirak etməklə. Kitaböyrənmə qrupları böyük olmadığından, bu görüşdə hər bir kəsin iştirak etməsi vacibdir. Bu görüşdə hər həftə iştirak etməyi qarşına məqsəd qoy. Həmçinin sənin görüşə vaxtında gəlməyin də nəzarətçi üçün böyük kömək olacaqdır, belə ki, bunun sayəsində görüş intizamlı tərzdə başlanacaqdır (1 Kor. 14:40).
3 İnkişafetdirici şərhlər. Sənin yaxşı hazırlanmış, inkişafetdirici şərhlərin nəzarətçi ilə əməkdaşlıq etməyin daha bir üsuludur. Adətən şərh verərkən yalnız bir fikrə toxunmaq yaxşı olar. Bu isə başqalarını da öz sözlərini söyləməyə təşviq edər. Abzasda yazılan bütün fikirləri təkrar etməyə çalışma. Öyrəniləcək məqalədə ürəyinə yatan bir şey varsa, fikirlərini başqaları ilə bölüş. Bu, müzakirəni daha da zənginləşdirər (1 Pet. 4:10).
4 Əgər sənə abzasları oxumaq üstünlüyü verilibsə, bu tapşırığı bacardığın qədər yaxşı yerinə yetirməyə çalış. Yaxşı oxumaq, öyrənmənin müvəffəqiyyətli keçməsinə səbəb olur (1 Tim. 4:13).
5 Qrup halında şəhadət etmək. Çox vaxt təbliğ xidməti üçün görüşlər kitaböyrənmə keçirilən yerlərdə keçirilir və sənin bu görüşlərdə iştirakın, xoş xəbərin təbliğ işini təşkil etməkdə nəzarətçiyə kömək edir. Bundan əlavə sən qardaşlarla daha yaxından tanış olar və onları ruhlandıra bilərsən.
6 Təbliğ xidməti haqqında hesabatlar. Hər ayın axırında xidmət haqqında hesabat vermək — nəzarətçi ilə əməkdaşlıq etməyin daha bir üsuludur. Sən hesabatını ya birbaşa onun özünə verə bilər, ya da ki, Padşahlıq Zalında hesabatlar üçün olan qutuya sala bilərsən. Katib bu qutunu, kitaböyrənmə nəzarətçilərinin təbliğçilərdən topladıqları hesabatları oraya atmaları üçün istifadə edə bilər.
7 Sənin kitaböyrənmənin nəzarətçisi ilə etdiyin əməkdaşlıq nəzərdən yayınmayacaq. Ən əsası isə əmin ola bilərsən ki, Yehova ‘əks etdirdiyin ruhla’ olacaq (Filip. 4:23, YD).