Müqəddəs Kitabı öyrənənlərə ruhən böyüməkdə kömək edirik. II hissə.
Öyrənməyə hazırlıq.
1 Bacarıqla Müqəddəs Kitab öyrənməsi keçirmək özünə tək materialın müzakirəsini və gətirilən Müqəddəs Kitab ayələrinin açıb oxunulmasını daxil etmir. Mə’lumatı elə təqdim etməliyik ki, öyrənənin ürəyinə yol açsın. Bunun üçün isə, yaxşı hazırlaşmaq və öyrənənlərin hər birinə xüsusi yanaşmaq tələb olunur (Sül. məs. 15:28).
2 Hazırlığa daxil olan addımlar. Əvvəlcə həmin adam haqqında və ona necə kömək edə biləcəyin barədə Yehovaya dua et. Yehovadan xahiş et ki, öyrənənin ürəyinə yol tapmaqda sənə kömək etsin (Kolos. 1:9, 10). Mövzunu aydın başa düşmək üçün fəslin və ya dərsin başlığı üzərində, həmçinin yarımsərlövhələrin və şəkillərin üzərində düşün. Özündən soruş: “Materialın məqsədi nədir?” Bu öyrənmə zamanı əsas fikirləri vurğulamaqda sənə kömək edəcək.
3 Materialı abzas-abzas diqqətlə təhlil et. Çap edilmiş sualların cavabını tap və yalnız əsas söz və ya ifadələri qeyd et. Gətirilən ayələrin abzasdakı əsas fikrə hansı aidiyyatı olduğunun üzərində düşün və öyrənmə zamanı onlardan hansını oxumaq lazım gəldiyini müəyyən et. Lazım qələrsə, öyrənilən nəşrin vərəqlərinin kənarında qısa qeydlər edə bilərsən. Öyrənən aydın görməlidir ki, həmin material Allahın Kəlamına əsaslanır (1 Salon. 2:13).
4 Öyrənənin tələbatlarını nəzərə almaq. Sonra öyrənənin tələbatlarını nəzərə alaraq mətni nəzərdən keçir. Onun hansı sualları yarana biləcəyini və ona nəyin çətin ola biləcəyini və ya nə ilə razılaşmaqda çətinlik çəkə biləcəyini qabaqcadan görməyə çalış. Özündən soruş: “Ruhən böyümək üçün o nəyi dərk etməlidir və ya nəyin üzərində işləməlidir? Mən onun ürəyinə necə yol tapa bilərəm?” Çıxardığın nəticələri praktikada tətbiq et. Öyrənən adama müəyyən fikri və ya ayəni anlamaqda kömək etmək üçün bə’zən əyani misal, yaxşı izahat, ya da bir neçə sual hazırlamaq tələb olunacaq (Neh. 8:8). Eyni zamanda çalış ki, öyrənilən dərsə mövzunun açılmasında az rol oynayan mə’lumatı əlavə etməyəsən. Öyrənmənin sonunda edilən qısa təkrar öyrənən adama əsas fikirləri yadda saxlamağa kömək edəcək.
5 Yeni şagirdlər Yehovanın izzəti üçün salehlik səmərələri gətirəndə necə də sevindiricidir! (Filip. 1:11). Onlara bu işdə kömək etmək üçün hər Müqəddəs Kitab öyrənməsinə yaxşı hazırlaş.