İnandırıcı şəkildə öyrət
1. Xidmətdə Allahın Kəlamından səmərəli şəkildə istifadə etmək əsasən özünə nəyi daxil edir?
1 Məharətli təbliǧçi Pavel kimi başa düşür ki, ‘həqiqət sözünü doǧruluqla öyrətmək’ özünə Müqəddəs Kitabdan sitat gətirməkdən daha çox şeyi daxil edir (2 Tim. 2:15). Xidmətdə Allahın Kəlamından istifadə edərkən inandırıcı tərzdə necə öyrədə bilərik? (Həv. iş. 28:23).
2. İnsanların Allahın Kəlamına daha çox hörmət etməsinə necə kömək edə bilərik?
2 Qoy Allahın Kəlamı danışsın. İlk növbədə, diqqəti Müqəddəs Kitaba elə yönəlt ki, dinləyicilər orada Allahın müdrikliyinin olduǧunu hörmətlə qəbul etsinlər. Allahın Kəlamına olan etibarımız bizi dinləyənləri oxuduǧumuz ayələrə daha çox diqqət yetirməyə təşviq edə bilər (İbr. 4:12). Biz sadəcə olaraq deyə bilərik: «Mən buna dair Allahın nə dediyini öyrənməyin faydalı olduǧuna şəxsən özüm əmin olmuşam. Zəhmət olmasa, Onun Kəlamında nə deyildiyinə diqqət yetirin». İmkan yaranan kimi birbaşa Müqəddəs Kitaba müraciət edərək onun danışmasına yol ver.
3. Ayəni oxuduqdan sonra bizi dinləyən insanın onu başa düşməsi üçün nə edə bilərik?
3 Sonra oxuduǧun ayəni izah et. İlk dəfə oxunan ayələri başa düşmək bəzi insanlar üçün çətindir. Çox vaxt biz ayənin müzakirə olunan mövzu ilə necə baǧlı olduǧunu izah edirik (Luka 24:26, 27). Əsas fikirləri vurǧula. Sual vermək sənə dinləyicinin bu ayəni aydın başa düşüb-düşmədiyini ayırd etməyə kömək edəcək (Sül. məs. 20:5; Həv. iş. 8:30).
4. İnandırıcı tərzdə öyrətmək üçün sonuncu vacib olan addım hansıdır?
4 Müqəddəs Yazılar əsasında mülahizə yürüt. Daha sonra, onun zehninə və ürəyinə yol tapmaǧa çalış. Təbliǧ etdiyin adama ayənin şəxsən ona hansı aidiyyəti olduǧunu görməyə kömək et. Müqəddəs Kitab əsasında mülahizə yürütmək insanı düşüncə tərzini dəyişməyə sövq edə bilər (Həv. iş. 17:2—4; 19:8). Misal üçün, Yeşaya 42:8 (KM) ayəsini oxuduqdan sonra kiminsə adını bilməyin onunla münasibətlər qurmaqda əsas amil olduǧunu deyə bilərik. Sonra isə soruşa bilərsən: «Necə fikirləşirsiniz, Allahın adını bilmək dualarımızı daha dolǧun edə bilərmi?» Ayəni təbliǧ etdiyimiz insanın şəxsi həyatı ilə bu cür əlaqələndirmək onun praktiki faydasını göstərir. Allahın Kəlamı vasitəsilə belə inandırıcı tərzdə öyrətmək səmimi-qəlbli insanları həqiqi və yaşayan Allaha, Yehovaya ibadət etməyə təşviq edəcək (Yer. 10:10).