Müqəddəs Kitab öyrənməsinə başlamaq üçün yeni rubrika
1. «Gözətçi Qülləsi»nin kütləvi nəşrində hansı yeni rubrika çıxacaq və onun məqsədi nədir?
1 Gələn aydan etibarən «Gözətçi Qülləsi»nin kütləvi nəşrində bizə Müqəddəs Kitab öyrənməsinə başlamağa kömək edəcək «Allahın Kəlamı bizə nə öyrədir?» adlı yeni rubrika dərc olunacaq. Şübhə yoxdur ki, sahələrdə çoxları bu rubrikanı maraqla oxuyacaqlar, əslində isə bu rubrika müzakirə üçün nəzərdə tutulub.
2. Yeni rubrikanın səciyyəvi xüsusiyyətləri hansılardır?
2 Səciyyəvi xüsusiyyətləri. Ev sahibi ilə müzakirə etmək üçün başlıq və yarımbaşlıqlar sual şəklində tərtib olunub. Əsas ayələr sitat gətirilməyib, sadəcə onlara istinad edilib ki, ev sahibi ayələri birbaşa Müqəddəs Kitabdan oxuya bilsin. Abzaslar qısa olduğuna görə onları qapının ağzındaca müzakirə etmək olar. Öyrənmə üçün nəzərdə tutulmuş kitaba keçid almaq üçün rubrikanın hər məqaləsində ona istinad edilir.
3. Evdən-evə təbliğ edərkən qapının ağzında Müqəddəs Kitabın öyrənməsinə başlamaq üçün bu məqalələrdən necə istifadə edə bilərik?
3 Necə istifadə etməli? Jurnalı təqdim edəndə məqaləyə dinləyicinin marağına səbəb ola biləcək sualı vermək olar. Məsələn, yanvar—mart sayında Müqəddəs Kitabın nə qədər dəyərli olduğu müzakirə olunur. Bu məqalənin müzakirəsinə belə sualla başlamaq olar: «Siz Müqəddəs Kitaba Allahın Kəlamı kimi baxırsınız, yoxsa onun sadəcə olaraq yaxşı bir kitab olduğunu düşünürsünüz? [Cavabını dinlə.] Məndə buna dair maraqlı bir məqalə var». Diqqəti birinci suala yönəlt, birinci abzası və gətirilən ayəni açıb oxu. Sualı yenidən oxu və həmin insanın bu haqda nə fikirləşdiyini soruş. Nömrələnmiş sualları əsas fikirlər kimi müzakirə edərək mümkün olan qədər materialı nəzərdən keçir. Söhbəti bitirməzdən öncə diqqəti növbəti suala yönəlt və onu müzakirə etməyiniz üçün vaxt təyin edin. Jurnalın növbəti sayını gətirənə qədər hər həftə məqalədən kifayət qədər müzakirə et. Digər üsul isə birbaşa olaraq Müqəddəs Kitab öyrənməsi təklif etməkdən ibarətdir. Jurnaldakı məqalədən istifadə edərək bunun necə keçirildiyini göstərmək olar.
4. Təkrar baş çəkmə zamanı yeni rubrikadan necə istifadə edə bilərik?
4 Müntəzəm jurnal gətirdiyin adamlarla söhbət və təkrar başçəkmə zamanı bu məqalələrdən effektiv şəkildə istifadə etmək olar. Sadəcə olaraq belə demək olar: «“Gözətçi Qülləsi”ndə yeni rubrika var. İstəyirsinizsə, ondan necə faydalana biləcəyinizi sizə göstərim». Dua edirik ki, bu yeni rubrikanın sayəsində daha çox adam «həqiqət barəsində dəqiq biliyə yiyələnsin» (1 Tim. 2:4).