Padşahlıq mahnılarından zövq alın

Allahın xidmətçiləri musiqini Yehovadan olan gözəl bir bəxşiş kimi qəbul edirlər (Yaq. 1:17). Bütün dünyada yığıncaq görüşlərinin əvvəlində və sonunda həzin Padşahlıq mahnıları səslənir. Yığıncağa gələnləri insanın ruhunu oxşayan melodiyalar salamlayır. Bu ruhani mahnılar fikrimizi ibadətə cəmləməyə kömək edir. Eyni zamanda, nəğmə kitablarımızdan yeni melodiyaların səslənməsi bizi onlarla tanış edir və layiqli tərzdə ifa etməyimizə kömək edir. Yığıncaqdan sonra səslənən musiqi xoş ab-hava yaradır və ruhlandırıcı ünsiyyətdən həzz almağa təşviq edir. Buna görə də, ağsaqqallar şurası yığıncaqdan əvvəl və sonra «Yehovanı nəğmələrdə tərənnüm edin — fortepianonun müşayiətilə» adlı CD-dən hansı musiqinin səslənəcəyinə qərar verə bilər. Onlar əmin olmalıdırlar ki, musiqinin səsi həddən artıq yüksək deyil və ünsiyyətə mane olmur.