Xidmətdə jw.org saytından istifadə edin. «Yehovanın dostu ol»

jw.org saytının «Müqəddəs Yazıların təlimləri» bölməsində uşaqlar üçün «Yehovanın dostu ol» adlı rubrika var. Orada mahnılar, videolar və tapşırıqlar yer alıb. Heç xidmətdə bunlardan istifadə edirsiniz? Məsələn, əgər Müqəddəs Kitabı öyrətdiyiniz adamın balaca uşaqları varsa, onu bu rubrika ilə tanış edə bilərsiniz. O zaman həmin adamın veb-saytımızın başqa bölmələrinə də marağı yarana bilər.

«Padşahlıq haqqında xəbər» adlı 38 nömrəli bukleti paylayan bir qardaş xidmət zamanı bir qadına da buklet vermişdi. Qadın bukleti alan kimi oxumağa başladı. Qadının uşaqları maraqla bukletə baxırdılar. Qardaş qısaca olaraq bukletin məzmununu danışıb ona arxadakı veb ünvanı göstərdi. Qadın maraqlananda qardaş fürsətdən istifadə edib ona və uşaqlarına öz elektron cihazında Eminin video çarxlarından birini göstərdi.

Bir bacı balaca uşaqları olan iş yoldaşına bizim veb-saytımız, orada ailələr haqda yerləşən məlumat barədə danışdı. Qadın uşaqları ilə birlikdə jw.org saytına baxdı. Sonra həmin qadın bacıya danışdı ki, uşaqları «Yehovanın dostu ol» rubrikasındakı «Allahın sözünü təbliğ et» adlı mahnını oxuya-oxuya evdə gəzirlər.

Yaxşı olardı ki, jw.org saytındakı bu rubrika ilə tanış olasınız və oradakı mahnılardan, videolardan və tapşırıqlardan birini elektron cihazınıza yükləyəsiniz. Belə etsəniz, bu rubrikadan xidmətdə asanlıqla istifadə edəcəksiniz. Bu, Ağaya xidmət etmək üçün gözəl vəsaitdir (Həv. 20:19).