Hizqiyal
45 “Ölkəni irs olaraq bölüşdürdüyünüz zaman+ Yehovaya da ölkədən pay, müqəddəs pay ayırmalısınız.+ Onun uzunluğu 25 000 qulac*, eni 10 000 qulac olmalıdır.+ Bütün bu sahə müqəddəs olacaq. 2 Orada müqəddəs yer üçün 500 qulac enində və uzunluğunda dördbucaqlı sahə,+ onun da hər tərəfində 50 qulac enində otlaq olacaq.+ 3 Son dərəcə müqəddəs yer olan müqəddəs məkan uzunluğu 25 000 qulac, eni 10 000 qulac olan ərazidə yerləşəcək. 4 O, Yehovanın hüzurunda xidmət edən kahinlərin,+ müqəddəs məkan xidmətçilərinin torpağından ayrılmış müqəddəs pay olacaq.+ Burada onların evi yerləşəcək. Bu müqəddəs yerdə həmçinin müqəddəs məkan olacaq.
5 Məbəd xidmətçiləri olan lavililər üçün 25 000 qulac uzunluğunda, 10 000 qulac enində sahə ayrılacaq+ və onların 20 yemək otağı*+ olacaq.
6 Şəhər üçün 25 000 qulac uzunluğunda (müqəddəs paya müvafiq), 5000 qulac enində sahə ayırın.+ Bura bütün İsrail evinə məxsus olacaq.
7 Müqəddəs payın və şəhər üçün ayrılmış sahənin hər iki tərəfindəki torpaqlar sərdara məxsus olacaq. Torpaqlar müqəddəs pay və şəhər üçün ayrılmış sahənin yan tərəflərində, qərbdə və şərqdə olacaq. Bu torpaq zolağının qərb sərhədindən şərq sərhədinədək uzunluğu qəbilələrdən birinin payına müvafiq olacaq.+ 8 Bu torpaqlar İsraildə sərdara məxsus olacaq. Mənim qoyduğum rəhbərlər artıq xalqa zülm etməyəcək.+ Onlar İsrail evinə qəbilələrinə görə torpaq verəcəklər”.+
9 Külli-İxtiyar Yehova belə deyir: “Ey İsrail rəhbərləri, siz lap ağını çıxartdınız!”
“Zülmə, cəfaya son qoyun. Haqq-ədalətdən yapışın,+ bəsdir xalqımı talan etdiniz,+ — bəyan edir Külli-İxtiyar Yehova. — 10 Tərəziniz, efa* və bat* ölçünüz düzgün olsun!+ 11 Efa və bat ölçüsü sabit olmalıdır. Bat da, efa da homerin* onda birinə bərabər olmalıdır. Homer ölçü vahidi olacaq. 12 Şekel*+ 20 geraya* bərabər olmalıdır; 20 şekel, üstəgəl 25 şekel, üstəgəl 15 şekel 1 maneh* edəcək”.
13 “Bəxşiş olaraq hər homer buğdadan və hər homer arpadan efanın altıda birini gətirməlisiniz. 14 Yağı batla ölçüb verməlisiniz. Bat korun* onda biri qədərdir; 10 bat 1 homerdir, 1 homer 10 bata bərabərdir. 15 İsraildəki heyvan sürülərindən hər 200 qoyundan birini təqdim etməlisiniz. Bu bəxşişlər xalq üçün kəffarə olaraq+ taxıl təqdiməsi,+ yandırma qurbanı,+ ünsiyyət qurbanı kimi gətiriləcək”,+ — Külli-İxtiyar Yehova bəyan edir.
16 “Bütün ölkə camaatı bu bəxşişi İsrailin sərdarına gətirəcək.+ 17 Sərdar isə bayramlar vaxtı,+ təzə ay mərasimində, şənbə günlərində,+ İsrail evinin bütün bayramlarında+ yandırma qurbanı,+ taxıl təqdiməsi+ və şərab təqdiməsinə görə cavabdehlik daşıyacaq. Günah qurbanını, taxıl təqdiməsini, yandırma və ünsiyyət qurbanlarını sərdar təmin edəcək ki, İsrail evi üçün kəffarə verilsin”.
18 Külli-İxtiyar Yehova belə deyir: “Birinci ayın birinci günü sağlam, cavan buğa götürüb müqəddəs məkanı pak edin.+ 19 Kahin günah qurbanının qanından götürüb məbədin yan taxtasına,+ qurbangahın səkisinin dörd küncünə, içəri həyətin darvazasının yan taxtasına çəkməlidir. 20 Səhvən, yaxud bilmədən günah edən üçün ayın yeddinci günü bunu etməlisiniz.+ Həmçinin məbəd üçün kəffarə verməlisiniz.+
21 Birinci ayın on dördüncü günü Pasxa bayramını keçirin.+ Yeddi gün mayasız çörək yeyin.+ 22 O gün sərdar özü üçün və ölkənin bütün camaatı üçün günah qurbanı olaraq cavan buğa hazırlayacaq.+ 23 Yeddi gün sürən bayramın hər günündə o,+ Yehovaya yandırma qurbanı olaraq 7 sağlam, cavan buğa və 7 sağlam qoç, eləcə də günah qurbanı olaraq hər gün 1 təkə hazırlayacaq. 24 Taxıl təqdiməsi kimi hər cavan buğa üçün və hər qoç üçün 1 efa taxıl, hər efa üçün isə 1 hin* yağ versin.
25 Yeddinci ayın on beşinci günü başlayan bayramın yeddi günü ərzində+ də sərdar eyni günah qurbanını, yandırma qurbanını, taxıl təqdiməsini və yağı təmin edəcək”».