7. a) Hənnə hansı nəziri demişdi, nəyə görə demişdi və nəticəsi necə oldu? b) Hənnənin nəziri İşmuilin həyatına necə təsir etmişdi? (Haşiyəyə baxın.)

⁷ Hənnə də Yehova Allaha verdiyi əhdə vəfa etmişdi. O, bu əhdi çox pərişan olanda vermişdi. Onu bu hala salan sonsuz olması və aramsız istehzalara tuş gəlməsi idi (1 İşm. 1:4—7, 10, 16). Hənnə dərdini Allaha danışıb demişdi: «Ey ordular Allahı Yehova, əgər bu qulunun dərdinə biganə qalmasan, mənə nəzər salsan, bu qulunu yada salıb mənə bir oğul versən, onu ömürlük Sənə verəcəyəm, ey Yehova, onun başına heç vaxt ülgüc dəyməyəcək» (1 İşm. 1:11)a. Allah Hənnəni muradına çatdırdı, ona oğul bəxş etdi. Sonsuz qadın üçün bundan böyük xoşbəxtlik ola bilməz! Amma Hənnə Allaha dediyi nəziri unutmamışdı, çünki oğlu dünyaya gələndə o demişdi: «Onu Yehovadan istədim» (1 İşm. 1:20).