• Qərarlarınızla Allahı sevindirin
    Əbədi xoşbəxt həyat! Müqəddəs Kitab dərsliyi

    • 5. Başqalarının vicdanını nəzərə alın

      İnsanlar fərqli olduğu kimi, verdikləri qərarlar da fərqli olur. Bəs biz başqalarının vicdanını nəzərə aldığımızı necə göstərə bilərik? İki nümunəyə baxaq:

      1-ci nümunə: Kosmetikadan istifadə edən bir bacı elə yığıncağa keçir ki, oradakı bacıların çoxu kosmetika çəkməyə pis baxır.

      Romalılara 15:1 və 1 Korinflilərə 10:23, 24 ayələrini oxuyun. Sonra növbəti sualları müzakirə edin:

      • Bacı bu ayələrə əsaslanaraq hansı qərara gələ bilər? Sizin vicdanınızın yol verdiyi şeyi yanınızdakı adamın vicdanı götürmürsə, nə edərsiniz?

      2-ci nümunə: Bir qardaş bilir ki, Allah qədərində spirtli içki içməyə icazə verir. Bununla belə, o qərar verib ki, içki içməsin. Ancaq bir məclisdə olanda qardaşların içki içdiyini görür.

      Vaiz 7:16 və Romalılara 14:1, 10 ayələrini oxuyun. Sonra növbəti sualları müzakirə edin:

      • Qardaş bu ayələrə əsaslanaraq hansı qərara gələ bilər? Yanınızdakı adam vicdanınızın yol vermədiyi bir şeyi etsə, nə edərsiniz?

      Düzgün qərar vermək üçün nə etmək lazımdır?

      Qadın dua edir.

      1. Yehovaya dua edin. Ondan xahiş edin ki, sizə qərar verməyə kömək etsin (Yaqub 1:5).

      Həmin qadın Müqəddəs Kitab, ona əsaslanan nəşrlər və kompüter vasitəsilə araşdırma aparır.

      2. Araşdırma aparın. Müqəddəs Kitabdan və ona əsaslanan nəşrlərdən vəziyyətə aid prinsiplər axtarın. Həmçinin təcrübəli məsihilərlə də məsləhətləşə bilərsiniz.

      Həmin qadın düşünür.

      3. Nəticəni düşünün. Verdiyiniz qərarın sizin vicdanınıza və başqalarının vicdanına necə təsir edəcəyini nəzərə alın.