İsa davam edir: «Qardaş qardaşı, ata övladını ölümə verəcək. Uşaqlar valideynlərinə qarşı qalxacaq və onları ölümə verəcəklər». Sonra əlavə edir: «Mənim adıma görə hamı sizə nifrət edəcək. Ancaq axıra kimi dözən xilas olacaq».

Hərçənd İsa Məsih göstərişləri, xəbərdarlığı və ürək-dirəyi 12 həvarisinə verir, lakin bu sözlər İsa ölüb-diriləndən sonra ümumdünya təbliğ işində çalışacaq hər kəsə aiddir. Bunu İsanın «hamı sizə nifrət edəcək» sözlərindən görmək olur; həvarilər isə ancaq israillilərə təbliğ etmək üçün göndərilirlər. Həm də bu qısa təbliğ kampaniyası vaxtı həvarilər hakimlərin və ya padşahların yanına aparılmadı; bu vaxt iman gətirənlər yaxınları tərəfindən ölümə verilmədilər.