Yusiflə Məryəm Misirdən qayıdanda İsanın təxminən iki yaşı var idi və görünür, həmin vaxt o, Məryəmin yeganə uşağı idi. Lakin bir azdan Yusiflə Məryəmin Yaqub, Yusif, Şimon və Yəhuda adlı oğlanları doğulur. Onların həmçinin qızları da olur. Beləliklə, İsanın yaşca ondan kiçik, ən azından altı bacı-qardaşı var.

Yusif get-gedə böyüyən ailəsini dolandırmaq üçün çox işləyir. O, dülgərdir. Yusif İsanı doğma oğlu kimi böyüdür, buna görə də İsaya «dülgər oğlu» deyirlər. Yusif İsaya dülgərlik peşəsini öyrədir. İsa bu sənətə yaxşı yiyələnir, belə ki, sonralar adamlar onun haqqında: «Bu dülgərdir», — deyirlər.