Cüzamdan təmizlənənlərdən doqquzu öz yollarına davam edir, biri isə İsa Məsihi tapmaq üçün geri qayıdır. Bu adam səməriyyəlidir. İsa peyğəmbər onu sağaltdığı üçün bu adam ona çox minnətdardır. O, bunun Allahın möcüzəsi olduğunu dərk edir və buna görə də Allaha ucadan şükür edir (Luka 17:15). Sonra da peyğəmbəri tapanda onun ayaqlarına düşüb təşəkkür edir.

İsa peyğəmbər on cüzamlını sağaltmaqla Allahın ona dəstək olduğunu göstərir. Bu adam həm onun əli ilə şəfa tapır, həm də ehtimal ki, həyat yoluna qədəm qoyur. Düzdür, biz Allahın İsa Məsihin vasitəsi ilə möcüzə göstərdiyi zamanda yaşamırıq. Amma Məsihə iman gətirməklə biz əbədi həyata aparan yola qədəm qoya bilərik. Bəs biz səməriyyəli kişi kimi minnətdarlığımızı göstəririk?