Başqalarına İsa haqqında olan həqiqəti bilməkdə kömək et
1 Məsh edilmiş məsihçilər başqa qoyunlardan olan həmkarları ilə birlikdə İsa haqqında şəhadətlik edirlər (Vəhy 12:17). Bu çox məs’uliyyətli tapşırıqdır, belə ki, xilas yalnız İsanın vasitəsilə mümkündür (Yəh. 17:3; Həv. iş. 4:12).
2 “Yol, həqiqət və həyat”. İsa dedi: “Yol, həqiqət və həyat Mənəm; Mənim vasitəçiliyim olmasa, Atanın yanına heç kim gələ bilməz” (Yəh. 14:6). Biz, yalnız bu ‘yolun’ — İsa Məsihin — vasitəsilə duada Allaha yaxınlaşa və Onun lütfünü qazana bilərik (Yəh. 15:16). İsa o mə’nada “həqiqət” idi ki, İbranicə Müqəddəs Yazılarda olan peyğəmbərliklər və surətlər onda gerçəkləşdi (Yəh. 1:17; Kolos. 2:16, 17). Peyğəmbərliklərin əsas məğzi, Allahın niyyətlərinin icrasında onun əsas rolunu işıqlandırmaqdır (Vəhy 19:10). Və nəhayət İsa “həyat”dır. Əbədi həyat ən’amını əldə etmək üçün, hamı onun fidiyə qurbanlığına iman gətirməlidir (Yəh. 3:16, 36; İbr. 2:9).
3 Başçı və hökmranlıq edən Padşah. İnsanlar həmçinin bilməlidirlər ki, Yehova öz Oğluna böyük icraedici səlahiyyət həvalə etmişdir. İsa Allahın Padşahlığının Padşahı oldu, “xalqlar ona itaət edəcək” (Yar. 49:10, MKŞ). Bundan əlavə Yehova onu yığıncağın Başçısı tə’yin etdi (Efes. 1:22, 23). Biz, Müqəddəs Kitabı öyrənən adamlara İsanın yığıncaqları necə idarə etdiyini və “vaxtlı-vaxtında... yemək vermək üçün... sadiq və ağıllı qul”dan necə istifadə etdiyini başa düşməyə kömək etməliyik (Mat. 24:45-47).
4 Mərhəmətli Baş Kahin. Yerdə yaşayarkən İsa sınaqlarla qarşılaşır və iztirablara tab gətirirdi, buna görə də o, “imtahan olunanlara yardım edə bilər” (İbr. 2:17, 18). Zəifliklərində İsanın onlara şəfqət göstərdiyini və onlar üçün vəsatət etdiyini bilmək qeyri-kamil insanlara necə də xoşdur! (Rom. 8:34). İsanın qurbanlığı əsasında və onun Baş Kahin kimi xidməti sayəsində “vaxtında yardıma malik olmaq üçün” Yehovaya “cəsarətlə” yaxınlaşa bilirik (İbr. 4:15, 16).
5 Qoy insanları İsa haqqında olan həqiqətlə tanış etmək cəhdlərimiz, onları İsaya tabe olmağa və bizimlə birlikdə xidmət etməyə təşviq etsin (Yəh. 14:15, 21).