NƏĞMƏ 57
Hər cür insana müjdə çatdıraq
1. İstərik Allaha biz bənzəyək,
Onuntək pak və qərəzsiz olaq.
Hər cür insan xilas olsun deyə
Biz vəz edək, nura dəvət edək.
NƏQARƏT
Heç kəsə fərq qoymadan,
Qərəzli yanaşmadan,
Təbliğ edək xilas müjdəsini.
Bil, haqqı var hər qulun,
Qoy Allahla dost olsun.
İstər Rəbb hər kəsin xilasını.
2. Təbliğ edən zaman unutma ki,
İlk təəssürat, məkan vacib deyil.
Əsas ürək təmiz olsun gərək,
Allah-Taala eylər qəlbi təhlil.
NƏQARƏT
Heç kəsə fərq qoymadan,
Qərəzli yanaşmadan,
Təbliğ edək xilas müjdəsini.
Bil, haqqı var hər qulun,
Qoy Allahla dost olsun.
İstər Rəbb hər kəsin xilasını.
3. Qəbul edir Yehova ürəkdən
Şər dünyadan ayrı duran kəsi.
Hər cür insan bilsin həqiqəti,
Gerçək olsun Rəbbin iradəsi.
NƏQARƏT
Heç kəsə fərq qoymadan,
Qərəzli yanaşmadan,
Təbliğ edək xilas müjdəsini.
Bil, haqqı var hər qulun,
Qoy Allahla dost olsun.
İstər Rəbb hər kəsin xilasını.
(Həmçinin baxın: Yəh. 12:32; Həv. 10:34; 1 Tim. 4:10; Tit. 2:11.)