Балаңа Барлыҡҡа килтереүсегә ҡаҡшамаҫ иман үҫтерергә ярҙам ит

Барлыҡҡа килтерелгән нәмәләр Йәһүәнең данын иғлан итә (Зәб 19:1—4; 139:14). Әммә Шайтандың донъяһы тормоштоң барлыҡҡа килеүенә ҡағылышлы Алланы хурлаған теорияларҙы тағырға тырыша (Рм 1:18—25). Үҙ балаңдың зиһенендә һәм йөрәгендә ундай фекерҙәрҙең тамырланыуына нисек юл ҡуймаҫҡа? Балаларыңа бала саҡтан уҡ Йәһүәнең реаль шәхес булыуына һәм уның улар хаҡында ҡайғыртып тороуына иман үҫтерергә ярҙам ит (2Кр 10:4, 5; Еф 6:16). Балаңдың мәктәптә өйрәтелгәндәргә ҡарата мөнәсәбәтен аңларға тырыш. Йөрәгенә үтеп инерлек итеп өйрәтер өсөн, төрлө ҡоралдар ҡуллан (Ғһ 20:5; Яҡ 1:19).

БАЛАҢ МЕНӘН «ЙӘШТӘШТӘРЕҢ ҺӨЙЛӘЙ. АЛЛАҒА ЫШАНЫУ» ТИГӘН ВИДЕОЯҘМАНЫ ҠАРА ҺӘМ ОШО ҺОРАУҘАР БУЙЫНСА ФЕКЕР АЛЫШ:

• Аллаға ышаныу тураһында әйткәндә, ниндәй дөрөҫ булмаған ҡараштар таралған?

• Мәктәптә нимәгә өйрәтәләр?

• Йәһүәнең барлығына һине нимә инандыра?

• Һин берәй кешегә барыһын да Алла барлыҡҡа килтергән тигән һығымтаға килергә нисек ярҙам итә алаһың?