Иманды нығытҡан күренеш

9:1—7

Ғайсаның ҡиәфәте үҙгәртелгән саҡта күктәге Атаһы уға үҙ хуплауын белдергән. Шул саҡта Ғайсаның ниндәй хис-тойғолар кисергәнен күҙ алдыңа килтер. Ошо ваҡиға Ғайсаны, һис шикһеҙ, ауыр һынауҙар алдынан нығытҡан. Был күренеш Петрға, Яҡубҡа һәм Яхъяға ла ҙур йоғонто яһаған. Ғайсаның ысындан да Мәсих булыуына бер шик тә ҡалмаған, һәм улар, уны тыңлап, дөрөҫ эшләгән. Петр, яҡынса 32 йыл үткәс тә, «пәйғәмбәрҙәр һөйләгән һүҙҙәргә» иманын нығытҡан был ваҡиғаны иҫтә тотҡан (2Пт 1:16—19).

Беҙ ошо таң ҡалырлыҡ күренеште күрмәһәк тә, уның үтәлеүен күрә алабыҙ. Ғайса бөгөн көслө батша булараҡ идара итә. Тиҙҙән ул, һис шикһеҙ, еңер һәм яңы донъяға алып барған юлды асыр (Ас 6:2).

Изге Яҙмалағы пәйғәмбәрлектәрҙең үтәлеүен күреү иманыңды нисек нығыта?