Ғаилә тормошон нимә бәхетле итә?

ИНЖИЛДӘ НИМӘ ТИП ӘЙТЕЛӘ?

«Алла һүҙен тыңлаған һәм үтәгән кешеләр бәхетле» (Лука 11:28, «Инжил. Изге Яҙманы тәржемә итеү институты»).

БЫЛ ҺҮҘҘӘРГӘ ҠОЛАҠ ҺАЛҺАҒЫҘ, ҒАИЛӘГЕҘҘӘ...

ысын мөхәббәт булыр (Ефестарға 5:28, 29).

тәрән хөрмәт хөкөм һөрөр (Ефестарға 5:33).

һәр кем үҙен тыныс, имен хис итер (Марк 10:6—9).

ИЗГЕ ЯҘМАҒА ЫШАНЫП БУЛАМЫ?

Эйе. Түбәндә быға кәмендә ике сәбәп килтерелә:

• Алла — Ғаиләгә нигеҙ һалыусы. Инжилдә, «һәр ғаилә үҙенә... исемде» Йәһүә Алланан ала, тип әйтелә (Ефестарға 3:14, 15). Башҡаса әйткәндә, ғаилә ҡоролошон Йәһүә Алла булдырған. Ни өсөн быны белеү мөһим?

  Әйтәйек, һеҙҙең берәй тәмле ризыҡ ашағандан һуң уны нисек бешергәндәрен белгегеҙ килә, ти. Быны кемдән һорарһығыҙ? Әлбиттә, шул ризыҡты әҙерләгән кешенән.

  Тап шулай уҡ, ғаилә тормошон нисек бәхетле итергә икәнен белер өсөн, ғаиләгә нигеҙ һалыусы Йәһүә Алланан һорарға кәрәк (Башланмыш 2:18—24).

• Алла һеҙҙең хаҡта ҡайғырта. Йәһүә Алланың кәңәштәрен тотоп йәшәгән ғаиләләр аҡыллы эш итә. Ни өсөн? Сөнки уның Һүҙендә: «Ул һеҙҙең хаҡта ҡайғырта», — тип әйтелә (1 Петр 5:6, 7). Йәһүә Алла беҙгә иң яҡшыһын ғына теләй, уның кәңәштәре һәр саҡ файҙа килтерә! (Ғибрәтле һүҙҙәр 3:5, 6; Ишағыя 48:17, 18).