Үлгән кешеләр ҡабат йәшәрме?

ИНЖИЛДӘ НИМӘ ТИП ӘЙТЕЛӘ?

«Кешеләр... үленән тереләсәк» (Ғәмәлдәр 24:15, «Инжил. Изге Яҙманы тәржемә итеү институты»).

БЫНЫ БЕЛЕҮ ҺЕҘГӘ НИНДӘЙ ФАЙҘА КИЛТЕРӘ?

Берәй яҡынығыҙҙы юғалтҡанда, йыуаныс бирә (2 Коринфтарға 1:3, 4).

Үлемдән ҡурҡмайынса йәшәргә ярҙам итә (Еврейҙарға 2:15).

Үлгән яҡындарығыҙ менән яңынан осрашырға өмөт бирә (Яхъя 5:28, 29).

ИЗГЕ ЯҘМАҒА ЫШАНЫП БУЛАМЫ?

Эйе. Түбәндә быға кәмендә өс сәбәп килтерелә:

• Алла — Йәшәү сығанағы. Изге Яҙмала Йәһүә Алла «йәшәү шишмәһе» тип атала (Зәбур 36:9; Ғәмәлдәр 17:24, 25). Бөтә нәмәне барлыҡҡа килтереүсе Алла, һис шикһеҙ, үлгәндәрҙе терелтә ала.

• Боронғо заманда Алла үлгән кешеләрҙе терелткән. Изге Яҙмала ерҙә йәшәр өсөн тормошҡа ҡайтарылған һигеҙ кеше тураһында әйтелә. Улар араһында йәштәр һәм ололар, ир-аттар һәм ҡатын-ҡыҙҙар булған. Ҡайһы берәүҙәре үлгәндән һуң шунда уҡ терелтелгән, ә берәүһе үлгәндән һуң дүрт көн үткәс терелтелгән булған! (Яхъя 11:39—44).

• Алла әле лә үлгән кешеләрҙе терелтергә теләй. Йәһүә Алла үлемде нәфрәт итә; ул уны дошман тип һанай (1 Коринфтарға 15:26). Уның был дошманды еңергә, кешеләрҙе терелтеп, үлемде юҡ итергә бик көслө теләге бар. Ул, хәтерендә һаҡлаған кешеләргә ҡабат йәшәү биреп, уларҙың яңынан ерҙә йәшәүен күрергә теләй (Әйүп 14:14, 15).