5-СЕ ЙЫР
Йәһүәнең ғәжәп эштәре
(Зәбур 139)
1. Аллам, мине яҡшы беләһең,
Уйҙарымды, күңел түрҙәремде.
Эй Йәһүә, асыҡ күреп тораһың
Йөрәгемдә ятҡан тәрән серҙәремде.
Әсәм ҡарынында саҡта ла
Күҙең күргән һәр күҙәнәгемде.
Наҙлы һөйөүеңде бик ҡәҙерләйем,
Данлайым көсөңдө, ғәжәп эштәреңде.
Таң ҡалырлыҡ, бөйөк эштәр ҡылаһың!
Һоҡландыра тәрән белемдәрең!
Ҡараңғылыҡ бар донъяны баҫһа ла,
Мине эҙләп табыр һинең рухың.
Аллам, ҡайҙа ғына булһам да,
Хозурыңдан мин һис ҡаса алмам.
Ер аҫтында ла, хатта күктәрҙә лә
Күҙ уңыңдан бер ваҡытта ла юғалмам.
(Зәб. 66:3; 94:19; Ирем. 17:10-ды ла ҡара.)