Вәғәз сифатын яҡшыртабыҙ. Яңыларҙы өйрәтәбеҙ

Ни өсөн был мөһим? Ғайсаның яңы шәкерттәренә ул «ҡушҡандарҙың барыһын да үтәргә» өйрәнергә кәрәк, ә был башҡаларҙы хәҡиҡәткә өйрәтеүҙе лә үҙ эсенә ала (Мат. 28:19, 20). Өйрәнеүселәрҙең күбеһе Теократик хеҙмәт мәктәбенә инде яҙылған һәм, бәлки, туғандарына һәм дуҫтарына осраҡлы рәүештә вәғәзләйҙер. Шулай ҙа улар, белгәндәре өсөн рәхмәт тойғолары үҫкән һайын һәм Йәһәвәнең яҡшы хәбәрҙе бөтә кешеләргә ишеттерергә теләгәнен нығыраҡ аңлаған һайын, йыйылыш менән вәғәз эшендә ҡатнашырға теләк белдерергә мөмкин (Рим. 10:13, 14). Һыуға сумдырылмаған яңы вәғәзселәр, рухи яҡтан үҫеүҙең был этабында үҙҙәрен ышаныслы тойһон өсөн, яҡшы өйрәтеүгә мохтаж (Лука 6:40).