ХЕҘМӘТ ИТЕҮ ОҪТАЛЫҒЫН ЯҠШЫРТАБЫҘ | ХЕҘМӘТТӘН ШАТЛЫҠ ТАП
Өйрәнеүселәргә Йәһүә менән дуҫлыҡ үҫтерергә ярҙам ит
Йәһүә беҙҙең уға яратыуҙан сығып хеҙмәт итеүебеҙҙе теләй (Мт 22:37, 38). Йәһүәгә ҡарата мөхәббәт өйрәнеүселәргә тормоштарын үҙгәртергә һәм һынауҙарҙа ныҡ булып ҡалырға көс бирә (1Ях 5:3). Алланы яратыу уларҙы һыуға сумдырылырға дәртләндерә.
Өйрәнеүсегә Алла уны ярата икәнен аңларға ярҙам ит. Уға бындай һорауҙар бир: бынан һин Йәһүә тураһында нимә белдең? был Йәһүәнең һине яратҡанын нисек күрһәтә? Уға шуны аңларға ярҙам ит: Йәһүә уның хаҡында ҡайғырта (2Йыл 16:9). Үҙеңдең конкрет доғаларыңа ниндәй яуап алғаның тураһында һөйлә. Шулай уҡ өйрәнеүсеңде Йәһүәнең уның доғаларына нисек яуап биргәнен күрә белергә дәртләндер. Тора-бара өйрәнеүселәр, Йәһүәнең яратыуын тойоп, үҙҙәре лә уға ҡаршы аҙымдар яһай башлар һәм уның менән дуҫ булырға ынтылыр. Быны күреү беҙгә күп шатлыҡ килтерер.
«ӨЙРӘНЕҮСЕЛӘРГӘ ЙӘҺҮӘ МЕНӘН ДУҪЛЫҠ ҮҪТЕРЕРГӘ ЯРҘАМ ИТЕГЕҘ» ТИГӘН ВИДЕОЯҘМАНЫ ҠАРА ҺӘМ ОШО ҺОРАУҘАРҒА ЯУАП БИР:
Джейд ниндәй ауырлыҡ менән осрашты?
Нита Джейдҡа нисек ярҙам итте?
Джейд был ауырлыҡты нисек йырып сыҡты?