Нимә яҡшы, ә нимә насар? Һеҙ ниндәй һайлау яһарһығыҙ?
Беҙ һайлаған әхлаҡи нормалар тормошобоҙға ҙур йоғонто яһаясаҡ. Йәһүә Алла быны бик яҡшы белә. Бына ни өсөн ул беҙҙең үҙенең нормалары буйынса йәшәүебеҙҙе теләй.
Йәһүә беҙҙең тыныс һәм бәхетле йәшәүебеҙҙе теләй.
«Мин, Йәһүә, һинең Аллаң. Мин — һине үҙеңдең файҙаңа өйрәтеүсе, һин барырға тейешле юлдан алып барыусы Алла. Һин минең әмерҙәремә иғтибарлы булһаң ине! Шунда тыныслығың — йылға һымаҡ, тәҡүәлегең диңгеҙ тулҡындары һымаҡ булыр ине» (Ишағыя 48:17, 18).
Алла, Барлыҡҡа килтереүсебеҙ булараҡ, беҙҙең өсөн ниндәй тормош юлы иң яҡшыһы икәнен теүәл белә. Ул беҙҙе үҙенең кәңәштәре буйынса йәшәргә өндәй, сөнки был беҙгә тик файҙа ғына килтерер. Алланың кәңәштәренә ҡолаҡ һалһаҡ, дөрөҫ һайлау яһаныммы, әллә юҡмы, тип борсолмаҫбыҙ. Беҙ һәр ваҡытта ла дөрөҫ ҡарарҙар ҡабул итербеҙ һәм һөҙөмтәлә йән тыныслығына һәм бәхеткә эйә булырбыҙ.
Йәһүә көсөбөҙҙән килмәгәнде эшләүебеҙҙе һорамай.
«Мин бөгөн һиңә биргән был әмер һинең өсөн бик ауыр ҙа, ирешмәҫлек тә түгел» (Ҡанун 30:11).
Алланың әхлаҡи нормалары буйынса йәшәр өсөн, беҙгә, бәлки, фекер йөрөтөү рәүешебеҙҙе йә тәртибебеҙҙе үҙгәртергә кәрәк булыр. Әммә Йәһүә беҙҙән көсөбөҙҙән килмәгәнде талап итмәй. Ул мөмкинлектәребеҙҙең сиген яҡшы белә. Йәһүә Алла менән яҡынданыраҡ танышһаҡ, «уның әмерҙәре ауыр түгел» икәнен аңларбыҙ (1 Яхъя 5:3).
Йәһүә уның нормалары буйынса йәшәргә теләгәндәргә ярҙам итергә вәғәҙә итә.
«Мин, Аллаң Йәһүә, һине уң ҡулыңдан тотоп торам, һиңә: „Ҡурҡма. Мин һиңә ярҙам итермен“, — тим» (Ишағыя 41:13).
Беҙ Алланың нормалары буйынса йәшәй алабыҙ, сөнки ул беҙгә ярҙам итергә вәғәҙә итә. Алла беҙгә үҙ Һүҙен, Изге Яҙманы, бүләк иткән. Уның аша ул беҙгә өмөт һәм көс бирә.
Бөтә донъя буйлап миллионлаған кешеләр Изге Яҙмалағы кәңәштәр тормошто яҡшы яҡҡа үҙгәртә икәненә үҙҙәре инанған. Һеҙ ҙә Изге Яҙмалағы кәңәштәр тураһында күберәк белергә теләр инегеҙме? Быны «Һин мәңге йәшәй алаһың!» тигән брошюра ярҙамында эшләп була. Уны jw.org сайтында үҙегеҙгә бушлай күсерә алаһығыҙ. Был брошюрала ошондай темалар ҡарала:
Тормошоңдо яҡшырта алған китап.
Изге Яҙма өмөт бирә.
Изге Яҙмаға ышанырға буламы?
Алла Һүҙен, Изге Яҙманы, өйрәнеп, һеҙ ундағы принциптарҙың иҫкермәгәнен белерһегеҙ, «улар һәр ваҡыт ышаныслы, хәҙер һәм мәңге» (Зәбур 111:8). Изге Яҙмалағы әхлаҡи нормалар буйынса йәшәргә ҡарар итеү — кеше эшләй алған иң яҡшы һайлау. Әммә Алла беҙҙе быны эшләргә мәжбүр итмәй (Ҡанун 30:19, 20; Ешуа 24:15). Һәр кеше нисек йәшәргә икәнен үҙе хәл итә.