Biniigana inyu ñéga kôa; nsik ba nkôt lôñni bikôkôda bi manganda. Hiémbi hi David.
61 A Nyambe, emble nlondok wem,
sédi ôô le u emble masoohe+ mem.
2 M’a lôndôl we i ngéda ñem u nsiida me,+
me bak i lisuk li ’isi.
Éga me i liaa li nloo me ntel.+
3 Inyule u yé lisolbene jem,
nkum ndap nkeñi u u nsôñ me i moo ma baoo+ bem.
4 M’a yén i ndap yoñ libadô i boga ni boga;+
m’a solbene isi bipapai+ gwoñ. (Selah)
5 Inyule a Nyambe, u bi nok makak mem,
u ti me bum u ntéédana ba ba nti jôl joñ lipém.+
6 U ga ébés niñ i kiñe,+
a ga niñ ki tjai ndi tjai.
7 A ga yén i yééne yé ane i bisu bi Nyambe i boga ni boga,+
gwéha yoñ ni libak joñ li maliga bi sôñ nye, le ndi bi tééda nye.+
8 Ha nyen m’a tubul jôl joñ tjémbi di bibégés i boga ni boga,+
m’a yônôs ki makak mem hiki kel.+