Yésaya
12 I yokel nu, u ga kal yaga le:
“A Yéhôva, me nti we mayéga,
inyule to hala kiki u bi unbene me,
hiun hioñ hi bi sôs ndék ni ndék, u hôgbaha ki me.+
2 Nuna-ki! Nyambe nyen a yé ntohol wem.+
M’a bôdôl nye ñem, m’a kon bé ki to yom woñi;+
inyule Yah* Yéhôva a yé ngui yem ni lipémba jem,
a nyila ki ntohol wem.”+
3 N’a ap malép ni maséé
i mangen ma tohi.+
4 I yokel nu, n’a kal le:
“Tina Yéhôva mayéga, séblana jôl jé,
añlana bôt i mam a mboñ!+
Leglana le jôl jé li yé likeñi.+
5 Tublana Yéhôva tjémbi di bibégés*+ inyule a bi boñ mam ma hélha.+
Boña le hala a yiba ni hisi hiosôna.
6 Kon maséé, leñ ki diléla, a we nu u nyééne* i Siôn,
inyule Numpubi nu Israel nu a yé i weeni a yé nkeñi.”