Yésaya
54 “Leñek diléla, a kom muda, we nu u bi gwal bé!+
Kon maséé, u leñ ki diléla,+ we nu u yé ngi nok njôghe nkôôga,+
inyule bon* ba muda nu ba bi tjôô ba yé ngandak
2 “Kéñbaha homa u ntééne ndap yoñ libadô.+
Sambal mabadô ma lap yoñ ikeñi.
Yom yo ki yo i kéñ bañ we njel, kônde ébés minkôô mi ndap yoñ libadô,
tibil tômôl bikék bi ndap yoñ libadô.+
3 Inyule u ga kéñbaha minwaa nwoñ mi nkoñ i pes walôm ni i pes waé.
Mbôda yoñ i ga yémbél biloñ,
i ga yééne i bitison bi bi nyégle hôlô.+
W’a hôya mbolo i binéñél gwoñ,
w’a hoñol ha bé to hison hioñ i ngéda u bé yik muda.”
5 “Inyule Nhek+ woñ nunkeñi a yé kiki nlô*+ woñ,
jôl jé le Yéhôva nu mintôñ mi gwét,
Numpubi nu Israel nyen a yé Nkobol+ woñ.
A ga séblana le Nyambe nu hisi hiosôna.+
6 Inyule Yéhôva a bi sébél we, u bak wengoñle muda le ba ntjôô ni nu a nsiida,*+
wengoñle muda nu a bi ke libii a bak mañge, i mbus, ba luhul nye,” hala nyen Nyambe woñ a mpot.
7 “Me bi tjôô we inyu ndék ngéda,
ndi ikété konangoo yem, me ga témb me yoñ we.+
8 Ikété hiun hiem hikeñi, me bi sôô we su wem inyu ndék ngéda,+
ndi ikété loñge yem ñem* i i nom i boga ni boga, me ga kon we ngoo,”+ hala nyen Nkobol+ woñ le Yéhôva a nkal.
9 “I jam lini li yéne me kiki i dilo di Nôa.+
Kiki me bi kum soñ i ngéda Nôa le malép ma ga hô ha bé nkoñ ’isi,+
hala nyen me nkum soñ le me ga unbene ha bé we, to kogse we.+
10 Inyule dikôa di nla tjiba,
yak bon ba dikôa ba nla nyiñgha,
ndi loñge yem ñem* inyu nan i ga mal bé,+
to malômbla mem ma nsañ ma ga piñgla bé,”+ hala nyen Yéhôva nu a nkônôl bé ngoo+ a mpot.
11 “A muda nu a nok ndutu,+ nu mbuk mbebi a mpôgôs, nu a gwé bé mut i hôgbaha nye;+
me yé i bédés mabap moñ ni ngok, lôñni simet i i nlet,
me tegek hikuu hioñ ni safirô.+
12 M’a boñ ngii lipénd joñ ni kôyôp tik ngok,
me boñ manwemel moñ ni ngok i i mbai,*
me téé ki minwaa mi nkoñ woñ nwominsôna ni tik ngok.
14 U ga telep siñ siñ ikété telepsép.+
Ndééñga i ga ke we haa,+
u ga kon bé mut nye ki nye woñi, yom yo ki yo i ga boñ bé we le u sehla,
inyule i ga lo bé we bebee.+
15 Ibale mut a nlo i jôs we,
wee me bé nyen me ñom nye.
U ga yémbél hiki mut a nlo i jôs we.”+
16 “Nun-ki! Men me bi hek mut a ñôô bikei,
nu a nhue makalak le ma loñ,
nson wé le a ôô bijôl bi gwét.
Men me bi hek yak mut manola le a tjé.+
17 Jôl i gwét yo ki yo le ba ñôô inyu jôs we i ga yémbél bé we,+
hilémb hio ki hio hi hi ntelep i kéés we, w’a net hio nkaa.
Hala nyen ngababum i bagwélél ba Yéhôva i yé,
yak telepsép yap i nlôl i meeni,” hala nyen Yéhôva+ a mpot.