Yésaya
62 Inyu loñge i Siôn, me ga nii bé hop;+
inyu loñge i Yérusalem, me ga yén bé nwee,
letee telepsép yé i bai kiki mapubi,+
yak tohi yé i loñ kiki nwai.+
2 “A muda,+ biloñ bi ga tehe telepsép yoñ,
bikiñe gwobisôna bi ga tehe lipém+ joñ,
w’a séblana ni jôl li mondo,+
le nyo u Yéhôva won u ga sima.
3 U ga yila kiki ntut bilama i woo u Yéhôva,
kiki hikôtô* hi bikiñe i libai li woo li Nyambe woñ.
Ndi w’a séblana le “Maséé mem ma yé i nyeni,”+
loñ yoñ i ga séblana le “Muda nu a nke libii.”
Inyule Yéhôva a yé maséé ni we,
yak loñ yoñ i ga yila kiki muda nu a nke libii.
5 Kiki mañge wanda a mbii ngond ngi yi munlôm,
hala nyen bôt boñ* ba ga bii we.
Kiki munlôm a nkon maséé ni nwaa wé,
hala nyen Nyambe woñ a ga kon maséé ni we.+
6 A Yérusalem, me bi téé bôt ba faa* i ngii mapénd moñ.
Njamuha, to juu, ba nlama bé mom nwee.
A bé ba ni nlôndôl Yéhôva,
ni noi bañ,
7 ni ti bañ nye noi letee a téé Yérusalem siñ siñ,
ñ, letee a yilha nye yom ba nti lipém hana ’isi.”+
8 Yéhôva a mpa woo wé walôm, ñ, woo wé u ngui, a kum soñ le:
“Me ga ti ha bé baoo boñ bijek gwoñ,
me ga ti bé to bakén ba bôt wai yoñ yondo, i u bi sal ni ngui i kôhna.+
9 Ndi i bôt ba ga bumbul i bijek bi, bon ba ga je gwo, ba bégés ki Yéhôva;
i bôt ba ga tjo wai i waa, bon ba ga nyo yo ikété bikotoo gwem bipubhaga.”+
10 Tagbana, tagbana i manwemel.
Sañlana njel inyu bôt ba litén.+
Tiblana, tiblana nloñ nkeñi.
Héyana ngok+ mu.
11 Nuna-ki! Yéhôva a mal legel i makas ma hisi le:
“Kala ngond Siôn le:
‘Nun-ki! Tohi yoñ i yé njel.+
Nun-ki! Nyambe a nlona bibom,
nsaa a nti bôt u yé nye bisu.’”+