Yésaya
64 Ibale u bak to le u kan ngii, u sôs hana ’isi,
inyu boñ le u nyiñgis dikôa,
2 ibale u bak to le u sôs kiki hié hi hi nligis dikaha,
hi boñok ki le malép ma pél,
ki baoo boñ ba ga yi jôl joñ,
yak biloñ bi ga sehla i bisu gwoñ!
3 I ngéda u bi boñ mam ma hélha di bi hégda bé le u nla boñ,+
u bi sôs, dikôa di kahal nyeñg i bisu gwoñ.+
4 Ibôdôl kôba, mut to wada a bi nok bé, a bi emble bé,
to tehe Nyambe numpe handugi we,
5 U nkiha ni i bôt ba nkon maséé i boñ mam ma téé sép,+
i bôt ba mbigda we, ba noñok manjel moñ.
Nun-ki! U bi unup i ngéda di bi nai ni boñ béba,+
di bi boñ ki hala ntandaa ngéda.
Baa di kôli ni tohi?
6 Bésbobasôna di nyila kiki mut nu a yé nyega,
maboñok més ma telepsép momasôna ma yé kiki libadô le muda nu a nkon sôñ a mal gwélél.+
Bésbobasôna di ga yuyi kiki tjai,
yak mahôha més ma ga kena bés kiki mbebi.
7 Mut nu a nlôndôl jôl joñ a ta bé,
mut nye ki nye a mboñ bé biliya i yén we bebee,
inyule u bi sôô bés su woñ,+
8 Nano ni a Yéhôva, u yé Isañ wés.+
9 U unup bañ ngandak a Yéhôva,+
u bigda bañ dihôha tjés i boga ni boga.
Béñge bés soho, inyule bésbobasôna di yé litén joñ.
10 Bitison gwoñ bipubhaga bi nyila ñoñ.
Siôn a nyila ñoñ,
Yérusalem a nyégle hôlô.+
11 Ndap* yés ipubhaga ni i lipém,*
i het basôgôlsôgôl bés ba bi béghene we,
hié hi bi ligis yo,+
i gwom gwobisôna di bé gwés bi bi ôbi.
12 I ngéda u ntehe i mam mana, a Yéhôva, baa w’a ban ñem, u tjél hôla bés?
Baa w’a mom nwee, u nwas bés munu ikété béba njiiha ini?+