Yérémia
12 A Yéhôva,+ me nyi le u téé sép, jon me ñañle we i jam li ntééñga me,
inyu hala nyen me mpot mam ma telepsép lôñni we.
Ndi inyuki mam ma bibéba bi bôt ma nke loñge,+
inyuki bôt ba nliba ba gwé bé nduña?
2 U bi bel bo, ba o minkañ.
Ba nañ, ba num matam.
Ba nsima jôl joñ i bibép gwap, ndi miñem* nwap mi yé haa ni we.+
Bii bo ipañ kiki mintômba mi mi nlama nôla,
bagal bo inyu hilo hi manola.
4 Letee ni ngéda mbe loñ i ga nok ndutu?
Letee ni ngéda mbe bikai bi lipan bi ga wo?+
Binuga bi bikai ni dinuni di nwo,
inyu bibéba bi mam bi bôt ba nyééne mu loñ.
Inyule ba nkal le: “A nla bé tehe i jam li ga pémél bés.”
5 Ibale u nke ngwéé ni bôt ba binam ndi ba tômbôs we,
baa ni bihosi nyen w’a pééna ngwéé?+
U nyén ikété nsañ i loñ i yé nwee,
ndi w’a boñ lelaa i ngéda u ga ba i put lipan nu a yé i mbaa Yordan?
6 Yak lôkisoñ, lihaa li isoñ,
i nliibana we.+
Ba nlond makeñi le jam libe li pémél we.
U hémle bañ bo,
to ibale ba nkal we mam malam.
7 “Me ntjôô ndap yem;+ me nyék ngababum yem.+
Me nti nugwéha wem i moo ma baoo bé.+
8 Ngababum yem i nyilna me kiki mbondo njéé i bikai.
I bi kônd me.
Jon me bi bôdôl oo yo.
9 Ngababum yem i nyilna me kiki hinuni hi hi nje minsôn, hi hi gwé ngandak minsonol;*
dinuni dipe di di nje minsôn di nkéña hio,+ di kahal jôs hio.
Loga, a binuga bi bikai gwobisôna, kodbana,
loga i je.+
Ba nyilha loñge yem wom ñoñ.
11 Wom wem u mput.
Loñ yosôna i nyégle hôlô,
ndi hala a ntééñga bé mut nye ki nye.+
12 Batjé-bôt ba bi lôl i minloñ mi ñoñ nwominsôna,
inyule pansoñ i Yéhôva i yé i tjé bôt ikété loñ yosôna.+
Nsañ u ta bé inyu mut nye ki nye.*
13 Ba bi bel blé, ba bumbul biloo.+
Ba bi tumbba yañga.
Libumbul jap li ga wéha bo nyuu,
inyule Yéhôva a ñunup ngandak.”
14 Haana nyen Yéhôva a mpot inyu bôt bem ba libôk ba ba gwé béba ñem, ba ba nke i kadal loñ me bi ti litén jem Israel:+ “M’a nup bo mu loñ yap,+ me nup ki litén li Yuda li li yé ipôla yap. 15 I ngéda me mal nup bo, m’a kônôl bo ngoo, me témbna hiki mut i ngababum yé ni i loñ yé.”
16 “Ibale ba nigil bilem bi litén jem, ba nigil ki i kal le: ‘Me nkum soñ ni niñ i Yéhôva!’ Kiki ba bi niiga bôt ba litén jem i kum soñ i jôl li Baal, ha nyen me ga nwas le ba yén lôñni litén jem. 17 Ibale ba ntjél nôgôl, me ga nup i loñ i. Me ga nup yo, me tjé ki yo,” hala nyen Yéhôva+ a mpot.