Yérémia
2 Lipôdôl li Yéhôva li bi lôl me le: 2 “Ke añle bôt ba Yérusalem le: ‘Haana nyen Yéhôva a mpot:
“Me nhoñol lelaa u bé adbe* me i ngéda u bé mañge wanda,+
gwéha u bi unda me i ngéda u bi neebe le u mbiiba ni me.+
Me nhoñol lelaa u bi noñ me i ñoñ,
i nkoñ ba mbel bé mbôô.+
3 Israel a bé mpubhaga inyu Yéhôva,+ matam ma bisu ma libumbul jé.”’
‘I bôt bobasôna ba bé noode je nye, ba bééna nsohi.
Bikuu bi bé kwél ki bo,’ hala nyen Yéhôva+ a mpot.”
4 Emblana bipôdôl bi Yéhôva, a ndap Yakôb,
yak bé, a mahaa momasôna ma ndap Israel.
5 Haana nyen Yéhôva a nkal:
“Limbe jam libe me bi boñ basôgôlsôgôl banan,+
li li bi tinde bo i ke haa ni me,
kayéle ba ke i bégés bisat bi bi yé yañga,+ bomede ba yila gwañga bi bôt?+
6 Ba bi top bé bat le: ‘Yéhôva a yé hee,
nu a bi nyodna bés i loñ Égiptô,+
nu a bi éga bés i ñoñ,
i bahoma ba yé nnumuk,+ ba ban-ga bibee,
i homa sép i nlôôha,+ ni ngangañ jiibe,
a éga ki bés mu nkoñ mut a nkil bé,
i homa mut binam a nyééne bé?’
7 Jon me bi kena bé i loñ i i gwé bibebela,
inyu boñ le ni je matam mé ni gwom gwé bilam.+
Ndi ni bi lo, ni yilha loñ yem nyega;
ni yilha bum yem yom i i nsuñgaha ñem.+
8 Biprisi bi bi top bé bat le: ‘Yéhôva+ a yé hee?’
I bôt ba niiga Mbén, ba bi yi bé me,
batééda bémba ba bi nai ni ndogbene me,+
bapôdôl ba podok i jôl li Baal,+
ba noñok ki banyambe ba ba nla bé bôñôl bo to jam.
9 ‘Me ga kônde ki ôm bé nsohi,’+ hala nyen Yéhôva a nkal,
‘yak bon ba bon banan, me ga ôm bo nsohi.’
10 ‘Yaba tuye, ni pam i biôn bi Kitim,+ ni béñge.
Ñ, oma mut i Kédar+ inyu boñ le a tibil béñge;
ni tehe ibale i nya jam ini i ma bôña.
11 Baa ni ma nok le ngim loñ i ntjôô banyambe bé inyu ke i bégés gwom bi bi ta bé banyambe?
Ndi litén jem li nhéñha lipém jem ni gwom bi bi gwé bé mahee.+
12 We a ngii, béñge i jam li hélha lini;
jam li li nlôôha suñgaha ñem, li li mboñ we le u sehla,’ hala nyen Yéhôva a mpot,
13 ‘inyule bôt ba litén jem ba bi boñ mam mabe ima:
ba bi tjôô me, me nu me yé lingen li malép ma niñ,+
ba tém* bibee gwap,
bi nla bé tééda malép inyule bi nso.’
14 ‘Baa Israel a yé ngwélél tole nkol u u bi gwéé i ndap nwet wé?
Ndi inyuki ba bi kadal nkus wé?
I nyilha loñ yé yom bilim.
Bitison gwé bi bi lék, mut nye ki nye a ta ha bé mu.
16 Bôt ba Nof*+ ni ba Tapanés+ ba njél i ngii ño woñ.
19 Bibéba gwoñ bi mam bi ga kodol we,
maboñok moñ mabe ma ga lona we kogse.
U nlama yi, u tehe ki le hala a yé béba jam+
i tjôô Yéhôva Nyambe woñ, hala a nsôghana ki;
u bi kon bé me woñi,’+ hala nyen Nwet Bayemlikok le Yéhôva nu mintôñ mi gwét a mpot.
20 ‘I ngéda kôba, me bi bôk kop nson+ u bé u bééga,
me pat minsañ ba bi kañ we.
Ndi u bi kal le: “Me ga gwélél bé we,”
inyule i ngii hiki hikôa, ni isi hiki e yômi,+
u bé ke i libambe,+ u tundlak gwep.
21 Me bi bel we le u ba bañga nkôô wai+ u u nkôyôp, loñge mbôô yaga;
lelaa ni u bi tonbana me, u kahal ti mimbolok mi mintjep mi nkén nkôô wai?’+
22 ‘To ibale u nogop ni bas,* u gwélél ki ngandak sobe,
béba yoñ y’a nyodi bé i bisu gwem,’+ hala nyen Nwet Bayemlikok le Yéhôva a mpot.
23 Lelaa u yé le u kal le: ‘Me bi nyogba bé mahindi.
Me bi gwélél bé Baal?’
Béñge njel u yé u nkil i nsôsôgô.
Wan mam u mboñ.
U yé kiki ñin kamél u u nhoo ngwéé,
u bedek, u sôhôk ni manjel momasôna, u nyi bé i het u nke,
24 kiki ñin jagas li bikai u u meya ñoñ,
i ngéda u gwé ngôñ le ba bééba wo, u nuumbe mbebi inyu nok njiñ i nlôm jagas.
Njee a nla gwel wo i ngéda u nsômbôl le ba bééba wo?
Ba bobasôna ba nyéñ wo, ba ga tumbba bé.
I ngéda mabéébana,* ba ga léba wo.
25 U boñ ha bañ hala, tiga le makôô moñ ma yégle nso,
tiga le libit joñ li num inyule nyus i gwé we.
Ndi u bi kal me le: ‘Nwas me nwee!+
26 Kiki mut wip a nwo nyuu i ngéda ba ngwel nye,
hala nyen yak ndap Israel i nkon hison,
bo, bikiñe gwap ni baane bap,
biprisi gwap ni bapôdôl+ bap.
27 Ba nkal e le: ‘Wen u yé tata wem,’+
ba nkal ki ngok le: ‘Wen u bi gwal me.’
Ndi me, ba bi kôm me mbus, ba nun ha bé me.+
I ngéda bikuu bi ga kwél bo, ba ga kal le:
‘Lo sôñ+ bés!’
28 Nano ni banyambe boñ u bi bañ ba yé hee?+
I ngéda bikuu, ba lok ni ba sôñ we, ibale ba nla,
inyule banyambe boñ ba mbôl kiki bitison gwoñ, a Yuda.+
29 ‘Inyuki ni ñôm me minsohi?
Inyuki bébobasôna ni ndogbene me?’+ Hala nyen Yéhôva a mpot.
30 Me bi bép bon banan, hala a bi hôla bé bo to jam.+
Ba neebe bé bikodlene gwo ki gwo.+
Pansoñ nan yon i bi nol bapôdôl banan,+
kiki mbondo njéé i i nyéñ nuga.
31 A bôt ba hiai hini, emblana lipôdôl li Yéhôva.
Baa me nyila kiki ñoñ inyu Israel,
tole kiki loñ i ngangañ jiibe?
Inyuki i bôt bana, bôt ba litén jem, ba nkal le: ‘Di nhiôm kiki di ngwés,
di ga témb ha bé i weeni?’+
32 Baa ngond ngi yi munlôm i nla hôya bieñg gwé,
tole muda nu a yé i ke libii a nla hôya ngôli yé?*
Ndi litén jem li bi hôya me hala a yé ntandaa ngéda.+
33 Kinje makeñge u gwé, a muda, inyu noñ bôlôm!
U bi nigil mandon inyu boñ mam mabe.+
34 Mbot yoñ nyono isi i gwé matjél ma diyeyeba di bôt di di yé nginsohi,+
to hala kiki me bi koba bé bo ba yé i bôk likôga li ndap yoñ.
Matjél map ma yé ni mambot moñ momasôna.+
35 Ndi u nkal le: ‘Me yé nginsohi.
Ibabé pééna, me mpei hiun hié.’
Nun-ki! Me mal kit le me ga kogse we
inyule u nhoñol le u bi boñ bé béba.
36 Baa u nhek bé pék? Baa u ntehe bé le u ndeñg ngandak i niñ yoñ?
37 Inyu hala nyen wonyuu i ga boñ le u kéhi moo i ngii ño,+
inyule Yéhôva a ntjél i bôt u mbôdôl ñem;
ba ga tohol bé we.”