Ôbadia
1 Yiinda i Ôbadia:*
Lana nyen Nwet Bayemlikok le Yéhôva a nkal inyu Édôm:+
“Di bi nok nwin u nlôl yak Yéhôva,
nlegelnwin a bi ôma ikété biloñ:
‘Telbana, di kôôba inyu jôs Édôm.’”+
2 Nyambe a nkal le: “Nun-ki! Me mal yilha we yañga jam ikété biloñ;
ba nyan we ngandak.+
3 Ngôk u ñem woñ u bi lôk we,+
we nu u nyééne ikété bihôk bi maaa,
we nu u yiine i ngii, u kalak mu ñem woñ le:
‘Njee a ga kwés me nyoo ’isi?’
4 To ibale u nke i yééne i ngii* kiki nyôgôl,
to ibale u mbii jumbul joñ ipôla tjôdôt,
m’a boñ le u sôs letee ni ’isi,” hala nyen Yéhôva a mpot.
5 “Ibale bôt ba wip ba nlo i weeni, tole mintonba mi nlo juu,
baa ba ga yoñ bé i gwom gwobisôna ba ngwés?
Ibale baket matam ma nkôô wai ba nlo i weeni,
baa ba ga yék bé ndék matam ma nkôô wai?+
Kinje tjiba ikeñi u ga kôhna!*
6 Ba nsas Ésau yosôna!
Homa nyensôna, ba nyéñ tik yé gwom!
7 I bôt ba nit we* ba ga luhul we letee ni i nwaa nkoñ.
Bobasôna ba nlôk we.
I bôt ba bak ikété nsañ ni we ba mbémbe we.
I bôt ba jek bret ni we ba ga biine we hiandi,*
ndi u ga yimbe bé hala.”
8 Yéhôva a nkal le:
9 A Téman,+ bôt boñ ba gwét b’a kon woñi ngandak,+
inyule hiki mut nu a yé mu mbok dikôa i Ésau a’ tjiba, hala wee a’ nôla.+
11 I kel u bi bagba, u tjél hôla nye;
i kel bakén ba bôt ba bi kena ntôñ wé gwét i minkôm,+
i ngéda bakén ba bôt ba bi jôp i tison, ba leñ ki mbam+ inyu kabna Yérusalem,
yak we u bi boñ kiki bo.
12 U kon bañ maséé i kel manyuñ a nok ndutu,+
u kon bañ maséé i kel tjiba+ i bôt ba litén li Yuda,
u pot bañ ni ngandak ngôk i kel ba nok ndutu.
13 U jôp bañ i tison i bôt ba litén jem i kel ndutu i nkwél bo,+
u béñge bañ to ndutu yap ni maséé i kel ba yé ikété njiiha,
u yoñ bañ to lingwañ jap i kel ba yé ikété njiiha.+
14 U telep bañ i makanda ma nloñ inyu nol bôt bé ba ba nso,+
u ti bañ to bôt bé ba ba mpei i moo ma baoo bap i kel njiiha.+
15 Inyule hilo hi Yéhôva inyu kolba biloñ gwobisôna hi yé bebee.+
Kiki u bi boñ, hala nyen ba ga boñ yak we.+
I mam u bi boñ bape, ma ga timbil we.*
16 Inyule kiki u bi nyo mu hikôa hiem hipubhaga,
biloñ gwobisôna bi ga nyo ngéda yosôna.+
Bi ga nyo, bi mil,
bi ba ki wengoñle bi maa bé ba.
18 Mbôda* Yakôb i ga yila hié,
mbôda Yôsep i yila lindômbôô li hié,
yak mbôda Ésau i yila minumuk mi bikai;
ba ga ha bo hié, ba ligis ki bo,
mut nye ki nye a ga pei bé mu mbôda Ésau,+
inyule hala nyen Yéhôva nyemede a mpot.
Ba yoñ ki nkoñ u Éfraim ni nkoñ u Samaria,+
yak Benyamin a ga yoñ nkoñ u Giléad.
20 Bôt ba lisolbene*+ lini ba ba bé i minkôm,
hala wee bon ba Israel, ba ga yoñ loñ i Lôk Kanaan letee ni i Sarépta.+
Bôt ba Yérusalem ba ba bé i minkôm, hala wee ba ba bé i Séfarad, ba ga yoñ bitison bi Négeb.+