Masoola Yôhanes a bi kôhna
7 I mbus ha, me tehe biañgel bina bi téé i makas mo ma-na ma hisi, bi gwelek mbebi yo ina i nkoñ ’isi ni ngui, kayéle mbebi yo ki yo i hôñ bañ i nkoñ ’isi, to i tuye, to i e yo ki yo. 2 Me tehe ki añgel ipe i mbet, i lôlak i het hiañgaa hi mpémél,* i ban-ga béndél i Nyambe nu a niñ, i sébél biañgel bina ni kiñ ikeñi, gwon bi bi kôhna kunde i boñ hisi ni tuye béba, 3 i kal le: “Ni boñ bañ hisi béba, to tuye, to bie, letee di mal band+ minkol mi Nyambe wés i mbom yap.”+
4 Me bi nok nsoñgi u bôt ba bé mbandak: 144 000,+ ba lôlak ikété hiki litén li bon ba Israel:+
5 ikété litén li Yuda, 12 000 jon li bé mbandak;
ikété litén li Ruben, 12 000;
ikété litén li Gad, 12 000;
6 ikété litén li Aser, 12 000;
ikété litén li Naftali, 12 000;
ikété litén li Manasé,+ 12 000;
7 ikété litén li Siméôn, 12 000;
ikété litén li Lévi, 12 000;
ikété litén li Isakar, 12 000;
8 ikété litén li Zébulôn, 12 000;
ikété litén li Yôsep, 12 000;
ikété litén li Benyamin, 12 000 jon li bé mbandak.
9 I mbus ha, me tehe, ndi nuna-ki! Limut likeñi le mut to wada a bé bé le a soñgol, li lôlak ikété biloñ gwobisôna, ni matén momasôna, ni mahaa momasôna, ni dilémb*+ tjodisôna, ba téé i bisu bi yééne ane ni i bisu bi Man ntômba, ba hééba mimbôñgô mi bipuba bi mambot,+ ba ban-ga masee i moo map.+ 10 Ba londok ni kiñ ikeñi ibabé waa, ba kalak le: “Tohi i nlôl bés yak Nyambe wés nu a yii i yééne ane,+ ni yak Man ntômba.”+
11 Biañgel gwobisôna bi bé bi téé, bi ma kéña yééne ane, ni mimañ,+ ni bihégél bi niñ bina; bi ôm mbom ’isi i bisu bi yééne ane, bi bégés ki Nyambe, 12 bi kal le: “Amen! Bibégés, ni bikeñi, ni pék, ni mayéga, ni lipém, ni lipémba, ni ngui, bi ba ni Nyambe wés i boga ni boga.+ Amen.”
13 Ndi wada ikété mimañ a timbhe, a bat me le: “Bana ba hééba mimbôñgô mi bipuba bi mambot,+ bonjee ba? Hee ba nlôl?” 14 Kunda yada me kal nye le: “A nwet wem, wen u nyi.” Ha nyen a bi kal me le: “Bana bon ba nlôl i njiiha ikeñi,+ ba bi jôwa ki mimbôñgô nwap mi mambot, ba yilha ki nwo puba ikété matjél ma Man Ntômba.+ 15 Inyu hala nyen ba yé i bisu bi yééne ane i Nyambe, ba gwelek ki nson mpubhaga inyu yé juu ni njamuha ikété témpel yé; yak Nu a yii i yééne ane+ a ga sambal ndap yé libadô i ngii yap.+ 16 Njal y’a gwel ha bé bo, to nyus y’a gwel ha bé bo, to hiañgaa hi ga tééñga ha bé bo, to ngandak lék yo ki yo,+ 17 inyule Man ntômba+ nu a yé i ñemkété* u yééne ane a’ tééda bo kiki ntééda bémba,+ a éga ki bo i mangen* ma malép ma niñ.+ Nyambe a’ sas ki gwiiha gwobisôna i mis map.”+