20 I nlélém ngéda, Môsi bo Arôn ba boñ toi kiki Yéhôva a bi kal bo. A pa ntoñgo, a bép malép ma lom Nil i bisu bi Faraô ni bagwélél bé, malép momasôna ma lom ma yila matjél.+

6 Ha nyen Arôn a sambal woo wé i ngii malép ma Égiptô, minkoñgo mi bôdôl bet, mi yon i loñ Égiptô.

17 Hala nyen ba bi boñ. Arôn a sambal ntoñgo u bé nye i woo, a bép minluñ mi biték mi hisi, dikala di kôba bôt i nyuu, yak bilém. Minluñ mi biték nwominsôna mi hisi mi yila dikala i loñ Égiptô+ yosôna.

6 Yéhôva a bi boñ hala i kel i bé noñ, bilém gwobisôna bi Égiptô bi bôdôl wo,+ ndi lém to yada i Israel i bi wo bé.

10 Ha nyen ba bi yoñ libu li juu, ba telep i bisu bi Faraô, Môsi a nwes jo i ngii, li yila mot i manyuu ma bôt ni i manyuu ma bilém.

23 Jon Môsi a bi sambal ntoñgo wé i ngii; Yéhôva a om mbambat, nop matan-ga, ni hié* hana ’isi. Yéhôva a nôs nop matan-ga i loñ Égiptô yosôna.

12 Ha nyen, Yéhôva a kal Môsi le: “Sambal woo woñ i ngii loñ Égiptô inyu lona bitandi, le bi je bikai gwobisôna mu loñ, hala wee gwom gwobisôna nop matan-ga a bi yék.”

21 Ha nyen Yéhôva a bi kal Môsi le: “Sambal woo woñ i ngii, le jiibe li hô loñ Égiptô. Jiibe li ga likeñi i nya i yé le mut a nla tihba.”