Tjémbi

Tina Yéhôva mayéga inyule a yé loñge;+

loñge yé ñem* i nom i boga ni boga.+

 2 Njee a yé le a añal minson minkeñi mi Yéhôva nwominsôna,

to legel maboñok+ mé momasôna ma ma kôli ni bibégés?

 3 I bôt ba mboñ mam ma téé sép ba yé maséé,

ba ba mboñ mam ma téé+ ngéda yosôna.

Tééda me, u tohol ki me,

 5 inyu boñ le me kon maséé inyu loñge u mbôñôl mimpohlak nwoñ mi bôt,+

le me hak ki ni litén joñ,

kayéle me kadba i bégés we* lôñni ngababum yoñ.

 6 Di bi boñ béba kiki basôgôlsôgôl bés;+

di bi boñ mam mabe; di bana maboñok mabe.+

Ba bi bigda bé loñge yoñ ñem,*

ndi ba bi ndogbene we bebee ni tuye, hala wee tuye Nkôibaga.+

 8 Ndi inyu jôl jé nyen Nyambe a bi tohol bo,+

inyu boñ le lipémba jé li yiba.+

 9 A bi kônd tuye Nkôibaga, tuye a sa;

a éga bo mukété wengoñle ba bé kil i ñoñ;+

10 A bi tohol bo i moo ma nu a bé nkolba+ wap,

a kobol ki bo i moo ma ñoo+.

11 Malép ma bi hô bakolba bap;

to wada wap a bi pei* bé.+

12 Ha nyen ba bi hémle mbônga+ wé;

ba kahal tubul nye tjémbi di bibégés.+

13 Ndi ba bi pala hôya i mam a bi boñ;+

ba boñ mam ibabé i bem maéba mé.

14 Ba bi nwas le ngôñ yap ibe i yoña bo i ñoñ;+

ba noode ki Nyambe i ñoñ.+

15 A bi ti bo mam ba bi bat,

ndi i mbus, a bép bo ni himala, hi hi bi nol bo.+

16 I homa wap liyééne, ba bi kil Môsi njôñ,

yak numpubhaga nu Yéhôva+ le Arôn,+ ba kil nye njôñ.

17 Ha nyen hisi hi bi yibla, hi mil Datan,

hi hô yak i bôt ba bi kodba ni Abiram.+

18 Hié hi kalna ntôñ wap;

lindômbôô li hié li ligis bibéba bi bôt.+

19 Ba bi ôô man nyaga i Hôreb,

ba ôôp ki i bisu bi ñôôk ôñgba;*+

20 ba bôdôl bégés yom i i mpôna nlôm nyaga nu a nje bikai,+

iloole ba ti me bibégés me kôli kôhna.

21 Ba bi hôya Nyambe,+ Ntohol wap,

nu a bi boñ mam makeñi i Égiptô,+

22 a boñ bihélha bi mam i loñ Ham,+

a boñ bihélha bi mam i tuye Nkôibaga.+

23 A bé bebee ni ti oda le ba tjiba,

ndi Môsi, mpohlak wé mut, a yemhe nye*

inyu boñ le ba keñgle hiun+ hié, le a tjé bañ bo.

24 I mbus, ba yan loñ ilam;+

ba hémle bé mbônga+ wé.

25 Ba bi waa bé huñbe mu mandap map ma libadô;+

ba nôgôl bé kiñ i Yéhôva.+

26 Jon a bi pa woo, a kum soñ inyu yap

le a ga tjé bo* i ñoñ;+

27 le a ga tjé mbôda yap nyoo i biloñ bipe,

a boñ ki le ba tjama mu biloñ+ gwobisôna.

28 I mbus, ba bi yoñ ngaba mu bibégés ba bé ti* Baal nu Péôr,+

ba je yak bisesema ba bé ti bawoga.*

29 Ba bi unbaha nye ni maboñok+ map,

ha nyen himala hi bi kwél bo.+

30 Ndi i ngéda Finéhas a bi telep, a yoñ mam i moo,

himala hi telep.+

31 Mu tjai tjodisôna,+ ñ, i boga ni boga,

hala a bi éña nye le a téé sép.

32 Ba bi unbaha Nyambe i malép ma Mériba,*

kayéle ba boñ le mam ma kee béba inyu Môsi.+

33 Ba bi hindha Môsi ñem,

kayéle a pot ni bibép+ gwé ibabé le a hek pék.

34 Ba bi tjé bé matén,+

kiki Yéhôva a bi kal bo.+

35 Ndi ba bi pôdna ni biloñ+ bipe,

ba kahal boñ mam kiki bo.*+

36 Ba bé bégés bisat+ gwap,

bi yilna bo hiandi.+

37 Ba bé sémél mimbuu mimbe+

bon bap bôlôm ni bon bap bôda.

38 Ba bé kôp matjél+ ma bôt ba ba bé nginsohi,

matjél ma bon bap bôlôm ni ma bon bap bôda,

ba ba bé sémél bisat bi Kanaan;+

kayéle ba hindis loñ ni matjél ba bé kôp.

39 Minson nwap mi bi yilha bomede nyega;

maboñok map ma undga le ba mbégés banyambe bape.*+

40 Jon Yéhôva a bi lôôha unbene litén jé,

yak ngababum yé i suñgaha nye ñem.

41 A bi ti bo i moo ma biloñ+ bipe ngandak ngélé,

inyu boñ le i bôt ba ñoo bo bon ba ane bo.+

42 Baoo bap ba bé tét bo,

ba suhus bomede isi yap.*

43 Nyambe a bi tohol bo ngandak ngélé,+

ndi ba ndogbene+ nye, ba tjél nôgôl nye,

ha nyen liboñok jap libe li bi suhus bo.+

44 To hala, Nyambe a bé tehe ndutu+ yap,

a nogok nlondok+ wap.

45 Inyu yap nyen a bé bigda malômbla mé,

a kônlak bo ngoo* inyu gwéha yé ikeñi.*+

46 A bi tinde ba bobasôna ba bi kena bo i minkôm+

le ba kon bo ngoo.

47 Tohol bés, éé a Yéhôva Nyambe+ wés,

u kot ki bés ba di yéne i biloñ+ bipe,

le ndi di ti jôl joñ lipubi mayéga,

di kon ki maséé i bégés we.*+

48 Yéhôva Nyambe nu Israel a kôhna bibégés,

i boga ni boga.*+