Hiôb
29 Hiôb a kena nkwel* wé ni bisu, a kal le:
2 “Éé ibale me bak to le me niñ kiki me bé niñ behee,*
i ngéda Nyambe a bé a ngi tadak me,
3 i ngéda a bé béyéi njel yem ni lambe yé,*
i ngéda a bé unda me mapubi mé le ma éga me ikété jiibe,+
4 i ngéda* me bé mañge wanda, me ban-ga ngui yem,
i ngéda Nyambe a bé liwanda jem, a lon-ga bisai i ndap yem libadô,+
5 i ngéda Nu ngui yosôna a bé a ngi yii ni me,
i ngéda bon bem* ba bé ba kéña me,
6 i ngéda a bé wengoñle mabal mem ma nyoo ni bota,
yak maaa ma pémhenege me diléléba di môô.+
8 I ngéda boñge bôlôm ba bé ba tehe me, ba bé ba bagba,*
yak mimañ mi bôt mi bé mi telep, mi yégle ki bitétéé.+
9 Baane ba bé ba mom nwee;
ba bé ba yip ki manyo map.*
10 Kiñ i mintôô mi bôt i bé nôga bé;
mi bé la bé pot to yom.*
11 Nu ni nu a bé emble me, a bé pot me loñge,
yak i bôt ba bé tehe me ba bé bôgôl me mbôgi ilam.
12 Inyule me bé sôñ hiyeyeba hi hi bé lond inyu kôhna mahôla,+
me sôñôk ki man nyuu ni nu a bééna bé mut nu a nhôla+ nye.
14 Telepsép i bé me munu nyuu kiki mbot le me bé haba,
yak mbagi yem sép i bak me munu nyuu kiki mbôñgô mbot* ni yañsi.
15 Me bi yila mis ma bôt ba ndim,
yak ni makôô ma bibôk bi bôt.
17 Me bé bôk mañg mi mboñbéba,+
me pañglak ki nuga i masoñ mé.
19 M’a ba kiki e le minkañ mi nke letee ni ikété malép,
yak manwee ma tégbahaga u wonsôna mu mintjep mwem.
20 Bôt ba ga ti me lipém ngéda yosôna,
yak ngui yem i ga mal bé.’*
21 Bôt ba bé emble toi me i ngéda me bé pot,
ba yénék nwee inyu nok maéba+ mem.
22 I ngéda me bé me mal pot, ba bééna bé to yom i kônde,
bibañga gwem bi bé lémél bo.
23 Ba bé bem me kiki ba mbem nop;
ba bé nahal manyo map wengoñle ba mbem banop ba nsôk.+