Yésaya
14 Inyule Yéhôva a ga kônôl Yakôb+ ngoo, a ga témb ki a pohol Israel.+ A ga témbna bo* i loñ yap,+ yak bakén ba bôt ba ga ke lôñni bo, ba adbe ki mbôda Yakôb.+ 2 Bôt ba biloñ bipe ba ga ke lôñni bo, ba témbna bo i loñ yap, ba ga yila bagwélél ba bôlôm ni ba bôda+ ba mbôda Israel nyoo i loñ Yéhôva; i bakén ba bôt ba bé ha bon ba Israel i mok, bon ba nsôk ba yila bôt ba mok i Israel; ba ga bémbe i bôt ba bé nyégsa bo* i sal bôlô njok.
3 I kel Yéhôva a ga hôyôs njôghe yoñ ni njiiha yoñ ni bôlô njok ba bé nyégsa we i sal,+ 4 w’a kéne i ngén ini inyu ndegle kiñe Babilôn:
“Kinje lisuk inyu nu a bé nyégsa bôt i nson!*
Kinje lisuk li ndééñga!+
5 Yéhôva a mbôk hisôô hi bibéba bi bôt,
ni ntoñgo u baane,+
6 nu a bé bép matén ni hiun, bép ni bép,+
nu a bé bémbe biloñ ikété hiun, a tééñgaga gwo ibabé waa.+
7 Nano, hisi hiosôna hi noi, hi yé nwee.
Bôt ba nkahal leñ diléla.+
8 Bie bi junipa* bi nkon maséé inyu jam li mpémél we,
yak ni bie bi sidar bi bi yé i Libañ.
Bi nkal le: ‘Ibôdôl nu u bi kwo,
nkek bie to wada a nlo ha bé i kit bés.’
9 Yak Soñ* i i yé ikété ’isi i nkon maséé
i leege we.
Inyu malo moñ, i ga tôdôl i bet ba bi wo,
baane ba mbanda* bobasôna ba nkoñ ’isi.
Soñ i, i ga boñ le bikiñe gwobisôna bi biloñ bi nyodi i biyééne gwap bi ane, bi telep.
10 Bobasôna ba mpot, ba kalak we le:
‘Baa yak we u gwé ha bé ngui kiki bés?
Baa u nyila kiki bés?
Bitômb gwon bi yé nañi yoñ,
minsoñ nwon mi yé lañgat yoñ.’
12 We nunu u nsodla nyoo ngii, u kwo,
a hiôdôt hi hi mbai, man nu maye ma kel!
We nunu ba mbes ’isi,
we nu u bé yémbél biloñ!+
13 U bi kal mu ñem woñ le: ‘M’a bet i ngii.+
M’a kéhi yééne yem ane i ngii tjôdôt di Nyambe,+
m’a yén i hikôa hi likoda,
i bahoma ba ñombok ba ba yé haa.+
14 Me ga kahap i ngii manjoñ ma ond;
me ga yila kiki Nungingii nyemede.’
15 Ndi i Soñ* nyen ba ga suhus we,
i bahoma ba bee ba ba yé ikétékété.
16 I bôt ba ntehe we, ba ga nun we siim;
ba ga yoñ ngéda i wan we, ba kalak le:
‘Baa i mut nunu bé nyen a bé nyiñgis hisi,
a boñok le biane bi sehla?+
17 Baa nye bé nyen a bi yilha nkoñ ’isi kiki ñoñ,
a tjék bitison,+
a tjélék le bôt bé ba mok ba témb i mambai map?’+
19 Ndi we, ba nlep we, ba nim we soñ,
u yé kiki ntjep u e le ba ñoo,
mim mi bôt le ba nol ni pansoñ nwon mi ga hô we kiki mbot,
mim le ba nleñ ikété bee i i yé nyonok ni ngok,
u yé kiki mim le bôt ba ntidbe.
20 W’a juba bé i soñ kiki bo,
inyule u bi tjé loñ yoñ,
u nol bôt ba litén joñ.
Bôt ba ga sima ha bé mbôda i bibéba bi bôt.
21 Kôôbana homa inyu nol bon bé
inyu maboñok mabe ma basôgôlsôgôl bap;
tiga le ba témb ba telep, ba kahal ane hisi,
ba yônôs ki bitison gwap i nkoñ ’isi.”
22 “Me ga telep i jôs bo,”+ hala nyen Yéhôva nu mintôñ mi gwét a mpot.
“I Babilôn, m’a sas jôl, bôt ba nyégle, mbôda, yak ndaye,”+ hala nyen Yéhôva a mpot.
23 “Me ga yilha nye liyééne li nyik, ni homa malép ma ntegep; m’a sas nye ni hole i tjiba,”+ hala nyen Yéhôva nu mintôñ mi gwét a mpot.
24 Yéhôva mu mintôñ mi gwét a mal kum soñ le:
“Kiki me bi bôn, hala nyen i ga bôña;
kiki me mal kit, hala nyen i ga yon.
25 Me ga nyagat man Asiria i loñ yem,
me ga tidbe nye mu dikôa tjem.+
Kop yé nson a bi bii i ngii litén jem, i ga nyodi;
yak mbegee yé y’a nyodi bo bituu.”+
26 Makidik mana mon ma nyôña* inyu kogse hisi hiosôna,
i woo unu won u yé bebee* i bép biloñ gwobisôna.
27 Yéhôva nu mintôñ mi gwét a mal yoñ makidik,
njee a nla héñha mo?+
28 I nwii Kiñe Ahas a bi wo,+ nyen i mbagi ini i bi pam:
29 “A bôt ba Filistia bobasôna, ni kon bañ maséé
le kék i nu a bébék bé i mbugi.
Inyule nyoo i i gwé mbôñ+ i ga lôl i nkañ u nyoo,+
yak mbôda yé i ga yila nyoo i gwé mbôñ i i nhoo nola.*
30 I ngéda babôkgwéé ba bôt ba gwééba bé ba mba ba nje,
yak diyeyeba di bak di niñi ikété nsañ;
we, m’a nol nkañ woñ ni njal,
i bôt ba nyégle i weeni, ba ga nôla.+
31 Bégél a nwemel! Lond a tison!
Bébobasôna ni ga nimis makénd, a bôt ba Filistia!
inyule hiida hi nlôl i ñombok;
mukété ntôñ u baoo boñ, sônda to yada i ntiñha bé.”
32 Lelaa ba ga timbhe balegelnwin ba biloñ?
Le Yéhôva nyen a ntek hikuu hi Siôn,+
ni le bôt ba loñ ba ba nsuhul nyuu ba ga solbene mu.