Yésaya
40 “Ni hôgbaha, ni hôgbaha litén jem,” hala nyen Nyambe+ nan a nkal.
Yéhôva a mal ti nye kogse i kôli* inyu bibéba gwé gwobisôna.”+
3 Mut a nlond i ñoñ le:
Tiblana nloñ nkeñi+ inyu Nyambe wés, nloñ u u téé le pet, u tagbege i ñoñ.+
4 Hiki nsôsôgô u nlama yônhana,
hiki hikôa ni hiki homa a nyôgi a nlama yila homa a tégi.
Hisi hi hi gwé dikuu hi nlama sendlana,
yak njel maaa i nlama yila tegep mbok.+
5 Lipém li Yéhôva li ga nene,+
bôt ba binam bobasôna* ba ga tehe jo,+
inyule nyo u Yéhôva won u mpot hala.”
6 Emble! Mut a yé i kal le: “Lond!”
Numpe a mbat le: “Me lond le kii?”
“Bôt ba binam bobasôna* ba yé ndik kiki bikai.
Loñge yap ñem* yosôna i yé kiki mbônji i nwom.+
Ibabé pééna, bôt ba binam ba yé ndik kiki bikai.
9 Bet i ngii hikôa hi nyôgi,
a muda nu a ñañal ñañ nlam inyu Siôn.+
Bédés kiñ ni ngui,
a muda nu a ñañal ñañ nlam inyu Yérusalem.
Bédés kiñ, u kon bañ woñi.
Añle bitison bi Yuda le: “Nyambe nan nunu.”+
10 Nuna-ki! Nwet Bayemlikok le Yéhôva a ga lo ni lipémba jé,
woo wé u ga ane inyu yé.+
Nuna-ki! A nlona bibom,
nsaa a nti bôt u yé nye bisu.+
11 A ga yoñ ngéda ni* bémba yé kiki ntééda mintômba.+
A ga kot bon bé ba mintômba ni woo wé,
a begee ki bo i tôl yé.
I mintômba mi nyuñus bon, a ga éga nwo mbeñel mbeñel.+
12 Njee a nla gwel malép ma tuye momasôna i libai jé li woo,+
Njee a nla ha biték bi hisi gwobisôna i kop inyu hek gwo,+
tole a nla hek dikôa
ni bon ba dikôa i kilô?
14 A bi kwel bo njee inyu boñ le a yi jam,
njee a bi unda nye njel i téé sép,
njee a bi niiga nye inyu boñ le a bana yi,
njee a bi unda nye njel i bañga yi?+
15 Nuna-ki! Biloñ bi yé kiki litôi li malép ikété nlôñga,
bi nene kiki lipum li biték i ngii kilô.+
Nuna-ki! A mpa biôn kiki minluñ mi biték.
16 To ibale mut a nkit bie bi Libañ inyu koda hié hi juu li bisesema,*
to ibale a nol binuga bi bikai bi yé nyoo inyu ti nye sesema i ntul i hié; hala a ga kola bé nye.
18 Baa ni nla hégha Nyambe ni njee?+
Ni nla kal le a mpôna njee?+
19 Mut nu a gwé likeñge a mbañ ñôôk sat,*
mut nu a ñôô bikei, a hoo yo gôl,+
a bôñôl ki yo minsañ mi silba.
20 Mut a mpohol e inyu likébla jé,+
e i i mbol bé.
A yéñ mut nu a gwé likeñge
inyu tjo ôñgba i i ga kwo bé.+
21 Baa ni nyi bé hala?
Baa ni yé ngi nok jo?
Baa ibôdôl i bibôdle, ba yé ngi añle bé jo?
Baa ni yé ngi yi jo ibôdôl nu dikuu di hisi di bi téga?+
22 Ngo Nyambe a nyééne i ngii ngiiña hisi,+
i bôt ba nyééne hana ’isi ba yé kiki bitandi.
A nsambal ngii kiki libadô li li nehna,
a nhudul ki yo kiki ndap libadô le mut a nyééne.+
23 A nyilha bangomin bakeñi kiki to jam,
a nyilha yak bakéés* ba nkoñ ’isi yañga jam.
24 Ba yé kiki bie le, mut nye ngi to mal bel gwo,
mut nye ngi to mal nwes mbôô yap,
minkañ nwap mi yé ngi to mal ôm ’isi,
ndi mbebi i nhue bo, ba kôt,
i tagbana bo kiki minumuk mi bikai.+
25 “Baa ni nla hégha me ni njee? Njee ni nhoñol le a kôli ni me?” Hala nyen Numpubi a nkal.
26 “Pana mis nyoo ngii, ni béñge.
Njee a bi hek i gwom bini?+
Nu a ñéga gwo kiki ntôñ gwét, hiki yada mu inoñnaga ni nomba yé;
a nsébél ki gwo, hiki yada mu ni jôl jé.+
Kiki a gwé ngui ikeñi ni lipémba li li nhélhana,+
to yada i nhañ bé.
27 A Yakôb, inyuki u nkal le; a Israel, inyuki u ñañal le:
‘Yéhôva a ntehe bé i mam ma mpémél me,
Nyambe wem a mpémhene bé me mbagi i téé sép’?+
28 Baa ni nyi bé hala? Baa ni yé ngi nok jo?
Yéhôva, Nhek ’isi, ibôdôl lini lisuk ipam lii, a yé Nyambe i boga ni boga.+
A nwaa bé, a ntomb bé to.+
Mut a nla bé wan yi yé.+
29 I mut a yé nwaak, a nti nye ngui,
i bôt ba gwééba ha bé, a nyônôs bo ni lipémba.+
30 Boñge bôlôm ba ga waa, ba tomb ki,
boñge ba wanda ba ga baage, ba kwoo ki,
31 ndi i bôt ba mbôdôl Yéhôva ñem ba ga témb ba kôhna ngui.
Ba ga puue i ngii wengoñle ba gwé bipapai kiki minyôgôl.+
Ba ga ke ngwéé ibabé le ba tomb;
ba ga ke liké ibabé le ba waa.”+