Bingéngén
22 Jôl lilam li nloo ngandak lingwañ;+
lipém li yé nseñ iloo silba ni gôl.
2 Ngwañ mut ni hiyeyeba ba gwé jam jada le:*
Yéhôva nyen a bi hek bo iba.+
4 Suhulnyuu ni i kon Yéhôva woñi gwon bi nlona
lingwañ, lipém, ni niñ.+
11 I mut a gwé ñem u mpôp, a ban-ga bipôdôl bilam,
kiñe i ga ba liwanda jé.+
12 Yéhôva nyen a ntééda yi,
a ga mélés bipôdôl bi bôt ba nliba.+
13 Mut yeñgi a nkal le: “Mbondo njéé i yé mbégdé!
I ga nol me ibale me mpam!”+
14 Nyo u muda ngandak mimbok* u yé bee i i yé ikétékété.+
Nu a nlémél bé Yéhôva a ga kwo mu.
16 I mut a nlôk hiyeyeba inyu kwo ngwañ,+
ni i mut a nti mingwañ mi bôt makébla,
ba ga sôk ba kwoo liyep.
17 Sédi ôô, u emble bibañga bi bôt ba pék,+
inyu boñ le yi yem i tihba ñem woñ;+
18 inyule hala a yé loñge jam ibale u ntééda gwo ikété yoñ,+
kayéle gwobisôna bi ba i bibép gwoñ ngéda yosôna.+
19 Me nti we yi i len ini,
inyu boñ le u bôdôl Yéhôva ñem.
20 Baa me bi bôk bé me tilna we,
me ti we maéba, me ti ki we yi,
21 le ndi me niiga we bibañga bi maliga, bibañga le mut a nla bôdôl ñem,
kayéle u témbna ndimbhe ilam yak nu a bi om we?
22 U kadal bañ hiyeyeba gwom gwé inyule a yé liyep,+
u tét bañ to mut nu a yé ngoo i nwemel u tison;+
23 Yéhôva nyemede a ga pun bo,+
a ga nol* i bôt ba nkadal gwom gwap.
24 U ba bañ liwanda ni mut nu a mpala unup,
u kiha bañ to ni mut nu a mpala nok liyot,
25 tiga le u yoñ bilem gwé,
26 U kiha bañ ni bôt ba ba mbép woo i tôl le ba ga saa pil u mut numpe,
ba ba nti bibep inyu pil u mut numpe.+
27 Ibale u gwé bé yom inyu saa,
ba ga yoñ nañi yoñ, u tehge!
28 U héñha bañ nwaa nkoñ,
le basôgôlsôgôl boñ ba bi bii.+
29 Baa u ma tehe mut a nsal bôlô yé ni likeñge?
I bisu bi bikiñe nyen a ga telep;+
a ga telep bé i bisu bi gwañga bi bôt.