Yésaya

61 Mbuu u Nwet Bayemlikok le Yéhôva u yé ni me,+

inyule Yéhôva a bi hoo me le me añle bôt ba suhulnyuu miñañ minlam.+

A bi om me le i bôt ba nok njôghe i ñem, me kañ bo bandas,

le me legel bôt ba yé i minkôm le b’a kôhna kunde,

ni bôt ba mok+ le mis map ma ga yibla,

 2 le me legel nwii u loñgeñem i Yéhôva,

hilo hi mapuna hi Nyambe+ wés,

le me hôgbaha i bôt bobasôna ba nkôhna maéya,+

 3 le me hôla bôt ba ñee Siôn,

le me ti bo bieñg bi ño inyu boñ le ba kôpba ha bañ libu,

yak môô ma maséé inyu boñ le ba bana ha bañ ikété maéya,

yak ni mambot inyu bégés Nyambe, inyu boñ le ba lehel ha bañ ñem.

Ba ga séblana le bie bikeñi bi telepsép,

bibebela bi Yéhôva, inyu ti nye lipém.*+

 4 Ba ga tiimba oñ bahoma ba ba bi tjiba kôba;

ba tibil bahoma ba ngéda kwañ+ ba ba bi yila ñoñ,

ba ga témb ba oñ bitison bi bi tjiba,+

yak bahoma ba ba bi yégle hôlô tjai ndi tjai.+

 5 “Bakén ba ga lo inyu tééda bémba yoñ,

bakén ba bôt+ bon ba ga sélél bé nwom mi bijek ni nwom mi minkôô mi wai.+

 6 Ndi bé, n’a séblana le biprisi bi Yéhôva;+

bôt ba ga sébél bé le bagwélél ba Nyambe wés.

N’a je nkus u biloñ,+

ni mba ki ni nkadba inyu lingwañ* jap.

 7 Litén jem li ga kôhna ngaba iba inyu boñ le li kon ha bañ hison,

ba ga leñ diléla inyu ngaba yap inyu boñ le ba wo ha bañ nyuu.

 8 Inyule me Yéhôva, me ngwés telepsép;+

me ñoo wip ni mam ma téé bé sép.+

Me ga ti bo nsaa wap ibabé set,

me ga jôp i malômbla ma boga lôñni bo.+

 9 Mbôda* yap i ga yiba ikété biloñ,+

yak matén ma ga yi mbôda yap.

i bôt bobasôna ba ntehe bo ba ga yi

le ba yé mbôda* le Yéhôva a mal sayap.”+

Inyule a nha me mambot ma tohi;+

a nha me mbôñgô mbot* u telepsép,

kiki mbiimuda nu a hééba yañsi wengoñle prisi,+

kiki muda nu a nke libii, nu a nhaba bieñg gwé.

11 Inyule kiki hisi hi mboñ le mbôô i oo,

kiki wom u mboñ le i mbôô ba mbel mu i oo,

hala nyen Nwet Bayemlikok le Yéhôva

a ga boñ le telepsép+ ni bibégés bi oo,+ biloñ gwobisôna bi tehge.