Yérémia
3 Ngim bôt i mbat le: “Ibale mut a nluhul nwaa, ndi i muda nu a ke a yila nwaa mut numpe, baa nlôm a nla témb a bii nye?”
Baa loñ yosôna i bi yila bé nyega?+
“U bi ke i ndéñg ni ngandak mimbok.+
Nano, u nsômbôl le me témb me yoñ we i meeni?” Hala nyen Yéhôva a mpot.
2 “Pa mis, u béñge dikôa di di gwé bé bikai.
Baa homa a ngi yii nyoo le ba bi lalna bé we?
U bé yén ipañ minloñ inyu bem mimbok nwoñ,
kiki mut a yé i ñoñ nu a gwé bé liyééne jada.*
U nwaa bé yilha loñ nyega
ni libambe joñ, lôñni bibéba gwoñ bi mam.+
4 Ndi nano, u nsébél me:
‘A Ta, u yé liwanda jem ibôdôl nu me yé mañge wanda.+
5 Baa w’a téédana me hiun i boga ni boga,
tole ñem u ga hénd we ngéda yosôna?’
Hala nyen u nkal,
ndi u nkônde ndik boñ bibéba bi mam gwobisôna ñem u ntinde we i boñ.”+
6 I dilo di Kiñe Yôsia,+ Yéhôva a bi kal me le: “‘Baa u ntehe jam i muda ndéñg nunu le Israel a bi boñ? A bi ke i libambe+ i ngii hiki hikôa hi nyôgi, ni isi hiki e yômi. 7 Ndi to hala, i ngéda a bi mal boñ i mam mana momasôna, me bi kal nye le a témb i meeni,+ ndi a bi tjél; Yuda a bé béñge mandon ma manyañ nu muda.+ 8 Kiki me ntehe hala, me ti i muda ndéñg nunu le Israel kaat maboha,+ me luhul ki nye inyu ndéñg+ yé. Ndi manyañ, i muda mandon nunu le Yuda, a bi kon bé woñi; yak nye a ke i libambe.+ 9 A ntehe bé le libambe jé li yé béba jam, a nhindis loñ yosôna, a kenek i ndéñg ni ngok, ni bie.+ 10 To hala kiki i mam mana momasôna ma bi pémél manyañ, i muda mandon nunu le Yuda a bi témb bé i meeni ni ñem wé wonsôna, ndik ni bihéñba,’ hala nyen Yéhôva a mpot.”
11 Ha nyen Yéhôva a bi kal me le: “Me ntehe le i muda ndéñg nunu le Israel a téé sép iloo muda mandon le Yuda.+ 12 Jon ke añal i bibañga bini i pes ñombok:+
“‘“Témb i meeni, a muda ndéñg nunu le Israel,” hala nyen Yéhôva+ a mpot.’ ‘“Me ga unbene ha bé ki we,*+ inyule me yé maliga,” hala nyen Yéhôva a mpot.’ ‘“Me ga téédana bé we hiun i boga ni boga. 13 Neebe ndik bibéba gwoñ, inyule u bi ndogbene Yéhôva Nyambe woñ. U bi kônde lal* ni bakén ba bôt* isi hiki e yômi, ndi u bi nôgôl bé me,” hala nyen Yéhôva a mpot.’”
14 “Témba i meeni, a bon ba ndok,” hala nyen Yéhôva a mpot. “Inyule men me yé bé bañga nwet;* me ga yoñ bé, mut wada a lôlak i tison yada, bôt iba i lihaa jada, me kena bé i Siôn.+ 15 Me ga ti bé batééda bémba ba ba mboñ sômbôl yem,+ ba ga ti ki bé bijek lôñni yi ni pék. 16 Ha ngéda i, ni ga gwal ngandak, ni bôl ki,” hala nyen Yéhôva+ a mpot. “Mut nye ki nye a ga pot ha bé le: ‘Nkuu Malômbla u Yéhôva!’ Mut a ga hoñol ha bé wo, mut a ga bigda ha bé wo, to ee wo, ba ga bañ ha bé to umpe. 17 Ha ngéda i, bôt ba ga sébél Yérusalem le yééne ane i Yéhôva;+ biloñ gwobisôna bi ga kodba i Yérusalem+ inyu bégés jôl li Yéhôva, bi ga nai ha bé le bi mboñ ndik i mam miñem nwap mimbe mi ntinde bo i boñ.”
18 “Ha ngéda i, bôt ba Yuda ba ga kiha lôñni bôt ba Israel;+ ba ga lôl i loñ i ñombok, ba bak lôñ yada, inyu ke i loñ me bi ti basôgôlsôgôl banan le i ba ngababum+ yap. 19 Me bé kalba le: ‘Me bi yoñ we kiki bon bem bôlôm,* me ti we loñ i i yé ilam, ngababum i i nloo biloñ gwobisôna* bilama!’+ Me bé kalba ki le u ga sébél me le: ‘Tata!’ Ni le u ga kôm bé me mbus. 20 ‘Ndi ni maliga, kiki muda nu a ntonbana nlôm,* a tjôô nye, hala nyen yak we, a litén li Israel, u bi tonbana me,+ u tjôô me,’ hala nyen Yéhôva a mpot.”
21 Makiñ ma nôga i ngii dikôa di di gwé bé bikai,
bôt ba Israel bon ba ñee, ba yemhege,
inyule ba bi kôde manjel map;
ba bi hôya Yéhôva Nyambe+ wap.
22 “Témba i meeni, a bon ba ndok.
Me ga mélés i ndok i yé bé mu miñem.”+
“Bés bana! Di nlo i weeni,
inyule we, a Yéhôva, u yé Nyambe+ wés.
23 Ni maliga, bahoma ba nyôgi, ni liyôgbe i ngii dikôa, bi yé ndik bitembee.+
Ni maliga, Yéhôva Nyambe wés nyen a yé ntohol nu Israel.+