Yésaya

 2 Inyuki ni ngi pémhak moni inyu yom i i ta bé bijek,*

inyuki ni ñôbôs nsaa nan* inyu yom i i nuuha bé?

Emblana me loñge, jena ki gwom bilam,+

ha nyen ni ga nok line li yom i yé toi bañga bijek.*+

Emblana, ndi n’a niñ,

me ga boñ ki malômbla ma boga+ lôñni bé

kiki me bi bôn David le me ga unda nye loñgeñem;* i mbônga u, u ga set bé.*+

 4 Nuna-ki! Me bi yilha nye i mbôgi+ inyu biloñ,

ñane+ ni ñéga+ inyu biloñ.

 5 Nun-ki! U* ga sébél ngim loñ le u nyi bé,

yak bôt ba ngim loñ ba ba bé yi bé we, ba ga lo ngwéé i weeni

inyu Yéhôva Nyambe+ woñ, Numpubi nu Israel,

inyule a ga ti we lipém.+

 7 Béba mut i nwas maboñok mé mabe,+

mut mam mabe a nwas bipék gwé bibe;

a témb yak Yéhôva nu a ga kônôl nye ngoo,+

a témb yak Nyambe wés, inyule a nwéhlana ngandak.*+

 8 “Inyule mahoñol mem ma ta bé mahoñol manan,+

to manjel mem ma ta bé manjel manan,” hala nyen Yéhôva a mpot.

 9 “Inyule kiki ngii i yé haa ni hisi,

hala nyen manjel mem ma nloo manjel manan,

yak mahoñol mem ma look mahoñol manan.+

10 Inyule nlélém kiki nop ni libu li lisuni* bi nyodi nyoo i ngii, bi kwoo hana ’isi,

bi ntémb bé letee bi yôôs hisi, bi boñ ki le bibebela bi oo, bi num matam,

bi ti mbôô inyu nsalnwom, ni bret inyu mut nu a nje,

11 hala nyen bañga i i mpémél i nyo wem i ga ba.+

I ga témb bé i meeni ngi yon,+

i ga yônôs i jam li nkon me ngôñ,*+

ibabé set, i ga gwel nson me ñom yo le i boñ.

12 Inyule ni ga pam ni maséé,+

ni ga témb ki ni nsañ.+

Dikôa ni bahoma ba nyôgi bi ga kon maséé i bisu binan, bi leñek diléla,+

yak bie gwobisôna bi nwom bi ga bamb moo.+

13 Iloole bie bi biloo bi oo, e junipa* yon i ga o,+

iloole disañla di oo, e myrte yon i ga o.

Hala a ga ti Yéhôva lipém,*+

hala a ga ba yimbne i boga ni boga i i ga mal bé.”